Kêng măng 23/3/2026, ta nhih pah kan Trung ương Đảng, Tổng Bí thư Tô Lâm hŏ wơt wa Men Sam An, Groi kruanh Đảng Ƀon lan Campuchia (CPP), Kruanh Hội đồng Gưl neh dak Mặt trận Tâm rnglăp Hun hao neh dak Campuchia tât khâl, pah kan ta Việt Nam. Tổng Bí thư lah rjăp Đảng n’hanh Ngih dak Việt Nam way an lor tâm boh tâm rnglăp đah Campuchia, n’grŏ rŏ dak băl hun hao bah tâm lơh tâm su, đăp mpăn, nkre nta trong dơh gay Mặt trận bar dak an ƀư geh nău tam ăp nău tâm ton, n’hao dăng kan nsum lhăt.

 Wa Men Sam An lah rjăp Campuchia way uănh Việt Nam lah dak băl kâng n’har uĕh lăng, du nuih n’hâm, mbra tâm kơl nsum tâm jêr jŏt, lah rjăp mbra kan nsum lhăt đah Mặt trận Tổ quốc Việt Nam ntrŭt ntrôl tâm nđŭr ƀon lan, tâm boh văn hóa, dak si, ntĭm nti, lơn lah đah ăp n’gor n’har bri. Rnê âk rnoh năch Việt Nam tât Campuchia hao âk, păng ŭch rŏng Việt Nam tâm pă nău tă ơm gĭt kan hun hao pâl nđaih tâm let năp tay.