Nar 20/3, ta Nhih pah kan Trung ương Đảng, Tổng Bí thư Tô Lâm hŏ wơt Thượng Nghị sĩ Hoa Kỳ Steven David Daines. Ta rơh wơt, Tổng Bí thư Tô Lâm rhơn rnê Thượng nghị sĩ Steven Daines lor bôk năp khâl Việt Nam, an lah hăn khâl geh nkô̆ khlay, rgop ntrŭt ntrôl tâm boh Việt Nam - Hoa Kỳ hun hao uĕh lăng. Tổng Bí thư lah rjăp Hoa Kỳ lah ngoăy tâm ăp dak tâm boh khlay dâk bôk năp bah Việt Nam, rhơn rnê Hoa Kỳ n’hao dăng tay tâm boh đah Việt Nam, n’grŏ tĭng Việt Nam “dăng, đăp mpăn êng, nsrôih ndôr êng, têh ndrŏng uĕh”. 

Tổng Bí thư nkoch du đêt trong rƀŏng gay ntik n’hao săk geh bah tâm boh đah bar dak tâm let năp tay, nê lah: wăng sa, tăch rgâl n’hanh ntuh kơl n’gâng tơm khlay tay bah tâm boh bar ding, nkra tay nău tât khuch tâm lơh an tay bah kơi, pơk hvi n’hanh n’hao dăng tâm boh tât ăp trong kan ma Hoa Kỳ săk geh n’hanh Việt Nam ŭch geh kơt: khoa học công nghệ, rgâl blău njêng mhe, ŭnh nar, dak si, tuch tăm.