Ta Thủ đô Oa-sinh-tơn, Mỹ, Kruanh N’gâng kan tâm rnglăp nchră nău Bùi Thanh Sơn n’hanh kruanh nchră nău An-thô-ni Blinh-cừn lĕ tâm ban ƀư tơm tâm nchră gưl Kruanh n’gâng kan tâm rnglăp nchră nău Việt Nam-Hoa Kỳ rơh bôk năp. Aơ lah rơh tâm nchră gưl kruanh n’gâng kan bôk năp đah Việt Nam n’hanh Hoa Kỳ kơp bah rnôk 2 dak ndâk njêng tâm boh kan ndrel têh hvi lĕ rngôch. Kruanh N’gâng kan Bùi Thanh Sơn mĭn lah Hoa Kỳ lah kan ndrel geh nău khlay bah Việt Nam, Mĭn Việt Nam mbra ndrel Hoa Kỳ mbơh ƀư tâm boh kan ndrel têh hvi lĕ rngôch nar lơ săk rnglăy, ngăn ngên, đăp mpăn.
2 Kruanh n’gâng kan tâm nchră mpeh ăp trong gay ƀư jru lơn tâm boh 2 dak. 2 Kruanh n’gâng kan tâm ban ŭch mpeh nău mât trong ƀư tâm nchră gưl Kruanh n’gâng kan nchră nău gay n’hao nău kan ndrel rhăt jăp đah 2 N’gâng kan nchră nău tâm ăp nău ƀư tâm ton gưl prêh; ƀư săk rnglăy ăp trong kan ndrel ăp ding geh aƀaơ, tâm nĕ geh trong ƀư tâm nchră mpeh chính trị-rnă njrăng-mât njrăng bri dak, tâm nchrăp nău kơl mât njrăng bri dak, tâm nchră nău dơi kon nuĭh; tâm ban ŭch uĕh tâm rgop ƀư ăp nău kan nkah gĭt 30 năm 2 dak nâm ơm tâm boh tâm năm 2025.
Viết bình luận