Tĭng nĕ, wa Buì Thế Duy, Uỷ viên dự khuyết Ban chấp hành Trung ương Đảng, Groi kruanh Viện Hàn lâm Khoa học n’hanh Công nghệ Việt Nam mât nău kan ƀư Giám đốc Đại học Ngih dak Hà Nội.  Pă nău ntrŭnh n’hanh pă kao si an đồng chí Bùi Thế Duy, Thủ tướng Phạm Minh Chính an lah, nău Đảng, Ngih dak knơm pă an đồng chí Bùi Thế Duy mât leo nău kan ƀư Giám đốc Đaị học Ngih dak Hà Nội aơ lah nău knơm nău rhơn têh ngăn, an geh nău dơn kan têh đah Đaị học Ngih dak Hà Nội ta rơh mhe. Ntoh ngơi dơn nău kan, wa Bùi Thế Duy ton nsit lĕ nău dơi kan, nău nsrôih n’hanh nău tă blău kan geh rgum, ndrekl đah ntŭk kan leo kan n’hanh lĕ rngôch cán bộ, nai nti tâm rnglăp, rgâl mhe, pah kan răng dăng, săk rnglăy, ndơ̆ Đaị học ngih dak Hà Nội hun hao an tâm di đah nău knơm n’hanh nău ŭch geh bâh Đảng, bâh Ngih dak, bâh Chính phủ n’hanh Thủ tướng Chính phủ gay ma tâm rgop na nê̆ ta nău kan rdâk njêng n’hanh mât Neh dak.