Nar 30/3, ta rơh hop bôk năp HĐND n’gor Gia Lai khóa XIII, wa Phạm Anh Tuấn hŏ dơi ăp đại biểu nsing nơm sơch ƀư Kruanh UBND n’gor năm kan 2026–2031. Lah ta rnôk dơn nău kan, wa Phạm Anh Tuấn lah rjăp nău nsrôih rgâl mhe trong mât bôk kan, dâk kan lĕ n’hâm suan, njêng nău rgâl kloh gay tŏng an nău ŭch geh hun hao ngăch n’hanh nâp dăng tâm rơh mhe. Na nê̆, UBND n’gor Gia Lai ntrŏng 10 rmôt dơn nău kan rgum tơm ƀư mbro an năm kan.

Rgum tơm lah rnoh tât hun hao wăng sa bar mbrô, nkre đah ndơ̆ rgâl n’hanh n’hao suan ât rdâng bah jâng wăng sa. Ndrel đah nê lah nău rdâk njêng rêng rnoh KPI gay weh nău dơi tam kan tât tĭng n’gâng kan, ăp ntŭk tâm dâng; ntrôl dăng trong tĭng, dơh glêh siƀŭt gay rgâl uĕh ntŭk ntuh kơl tăch rgâl.