Ôi 30/3, HĐND n’gor Gia Lai khóa XIII, ntơm pơk rơh hop bôk năp gay dăp rgum ăp tŏng nuĭh kan, sơch ăp kruanh n’gâng tơm bah HĐND năm kan mhe. Rơh hop mbơh 85 đại biểu HĐND n’gor dơi cử tri sơch, nkre ƀư sơch ăp kruanh rđău kan. Lôch jêh sơch, wa Rah Lan Chung, Groi Bí thư Rnâng kan Tỉnh ủy Gia Lai, dơi sơch ƀư tay Kruanh HĐND n’gor; wa Trương Văn Đạt n’hanh wa Huỳnh Thúy Vân dơi sơch ƀư Groi kruanh HĐND n’gor.

Lah ta rơh hop, Bí thư Tỉnh ủy Gia Lai Thái Đại Ngọc lah rjăp năm kan 2025-2030, Gia Lai n’gluh tât rnoh hun hao GRDP 10% tât 10,5%/năm, jêng ntŭk buăt nthoi khlay đah Tây Nguyên Nam Trung Bộ đah ăp nkual wăng sa tâm nkual. Gay tĭng ƀư jêng ngăn ngăn rnoh tât kan dja, HĐND n’gor Gia Lai ân rgâl mhe, n’hao săk tam ăp rơh hop; rgum n’gluh an dŏng trong tĭng, trong kơl geh nău đăt ndal mpeh wăch rgum ntuh kơl, hun hao ntŭk ntô ndơ dŏng, rgâl mbrô n’hanh khoa học - công nghệ.