VOV4.M’nông: Tâm ntu\k mât prăp rup gui, ndơ nha hôm kăl e mpeh lịch sử rdâng lơh rklaih luh rnoi nu^h dơi mât ndray ta âk bảo tàng tâm lam dak, ndơ rup gui, ndơ nha hôm kăl e mpeh Cách mạng khay pham n’hanh Quốc khánh 2-9-1945 hôm du\t âk, ntơm bah săm[u\t, nghị quyết tât ndơ do\ng tâm lơh tâm su, ndơ nkah ndray tahen, le\ rgum le\ rngôch nkoch luh rnoh khlay nău dơi bah Cách mạng khay pham năm 1945- nău tă geh lịch sử le\ pơk luh du trong mhe têh bah cách mạng, ndơ\ rnoi nu^h Việt Nam lăp tâm rơh mhe- rơh đăp măpn rnoi nu^h nkre đah chủ nghĩa xã hội.

            Tâm rnoh hang rbăn rup gui, săm[u\t ơm nha hôm mât tay nchih nkah tay mông nar dăng janh bah rơh Cách mạng khay pham dôl ma dơi mât ta ta bảo tàng lịch sử Quốc gia Việt Nam, rgum săm[u\t nkoch trêng rơh Cách mạng khay Pham năm 1945 n’hanh rgum 90 lha báo cách mạng 1925- 1945 lah du gâl ndơ nha hôm geh mât khlay, nchih nkoch báo chí cách mạng rnôk dja rgop khlay tâm nău nkoch trêng chủ nghĩa ro\ng dak; rgum n’hanh rdâk tay ăp mpôl cách mạng dâk pit mplơ\ tay n’gâng kan, dâk lơh rgum du rơh khay Pham năm 1945 geh nău dơi, ntơm deh luh dak Việt Nam Dân chủ Cộng hoà. Ma ăp lha báo dơi mât ndray tay ta bảo tàng kơt: Tập chí Đỏ, Tranh đấu, Dân cày, Việt Nam Độc Lập, Cờ Giải Phóng, Cứu Quốc…le\ an saơ, rlău ma ăp lha báo bah Trung ương Đảng, ăp ntu\k kan nsum mpôl ta le\ rngôch ăp n’gor rơh nê nơh an luh lha báo mpôn da dê. Ăp lha báo dja le\ jêng du trong cho\l lor rdâng lơh sôt hơr, to\ng di ngăch ăp nău u\ch geh bah cán bộ đảng viên n’hanh ăp hội viên kơl neh dak tâm rơh rdâng lơh cách mạng. Nhà sử học Dương Trung Quốc, Tổng Thư ký Hội Khoa học lịch sử Việt Nam an g^t:

            Tâm rơh nê nơh, báo chí kan mpôn da dê ta ăp nkual rklaih luh, tâm chiến khu, tâm nkual ma phu\ng rlăng pit mât. Păng đâng dơ ta nê mô dơn ăp nău m^n ma le\ ma nău nsrôih n’hanh le\ ma nău g^t blău mhe gay an le\ rngôch gung trong kan bah leo mât bôk cách mạng hăn lăp tâm nău rêh lam nu^h n’hanh păng kơl an ăp nu^h ndrel du nuih n’hâm tâm ban u\ch, dơn ngoăy tâm nău kan pit mplơ\ tay n’gâng kan n’hanh rdâk njêng tay nău way dân chủ cộng hoà.

            Bah meng nău rgum báo chí cách mạng, âk ndơ nha hôm geh mât khlay, săm[u\t tơm bah nar Cách mạng khay Pham năm 1945 dôl geh mât ndray ta Bảo tàng lịch sử Quốc gia đo\ng kơt Nghị quyết Đại hội Quốc dân, Quân lệnh bah Uỷ ban dâk lơh lam dak, jâng tap pông bah Tổng Bộ Việt Minh năm 1944- 1945; jâng tap pông bah Kỳ bộ Việt Minh Bắc Kỳ 1941- 1945…Aơ lah ăp rup gui, ndơ nha hôm mât ndray mpơl nău nchrăp mpeh ăp ntil bah Mặt trận Việt Minh an rơh dâk lơh pit mplơ\ tay n’gâng kan năm 1945 bah rnoi nu^h he.

            Ta ăp bảo tàng lịch sử, quân sự ta dak he, nchih nkah bah nar Cách mạng khay Pham hôm dơi mpơl ta rup gui, ndơ nha hôm mât an mpơl du nuih n’hâm bah rơh dâk lơh lam le\ rngôch khay Pham năm 1945, tâm nê nkoch luh nău khlay rđău kan bah Đảng Cộng sản Việt Nam n’hanh Chủ tịch Hồ Chí Minh têh kuâng đah n’gâng kan rklaih luh rnoi nu^h. Tâm rlău 300 rup gui, ndơ nha hôm mât ndray ta rnôk pla n’hơ “Nkah khay djang kăl e” bah Bảo tàng lịch sử Quân sự Việt Nam, âk ndơ nha hôm mât ndray mpeh Cách mạng khay Pham kăl e n’hanh Quốc khánh 2-9-1945 lor bôk năp mbơh nkoch tât lam nu^h g^t kơt r[op ntô bah wa Phan Quang Hiền, đội viên Đội Cứu quốc quân le\ do\ng gay ma tâl săm[u\t tâm ôp bah ăp wa Hoàng Quốc Việt, Đào Văn Trường tâm rnôk rđău đă dâk lơh lam le\ rngôch Cách mạng khay Pham năm 1945 ta Việt Bắc; Tay nải bah yuh Lê Thị Thọ, ta [on Cao, Phú Thọ do\ng gay ma kơl phe an nhih pah kan Trung ương Đảng năm 1945; săm[u\t bah Chủ tịch Hồ Chí Minh njuăl [on lan lam dak bah năp nar dâk lơh lam le\ rngôch khay 8- 1945 ôp kuăl tâm rnglăp ndrel Mặt trận Việt Minh gay rklaih luh rnoi nu^h; săm[u\t nkoch trêng bah Mặt trận Việt Minh ôp kuăl [on lan râng dâk lơh lam le\ rngôch pit mplơ\ tay n’gâng kan tâm Cách mạng khay Pham năm 1945…Thiếu tướng Nguyễn Xuân Năng, Giám đốc Bảo tàng lịch sử Quân sự Việt Nam an g^t:

            Rlău ma nê geh ăp rup tơm, dơi mât ndray ta Bảo tàng Lịch sử quân sự Việt Nam n’hanh geh ăp rup ri mpôl hên ân hăn tât TTXVN n’hanh du đêt ntu\k mât prăp êng [a [a\ gay joi rgum s^t ta aơ pla n’hơ he mbra dơi lah mpeh nar Cách mạng khay Pham nkoch ăp to\ng, ntơm bah rnôk mông nar tât rnôk trong nchrăp bah Đảng tât rnôk nchrăp dâk lơh lam le\ rngôch khay Pham an tât dâk lơh ta ăp n’gor nt^t kơt Thái Nguyên, Quảng Ngãi, Huế, Nkual [on têh Hồ Chí Minh. Lơn lah ta Hà Nội lah ăp rup gui mpeh ntroh hăn nar 19-8 ta Quảng trường Nhà hát Lớn tâm ban kơt lễ Tuyên ngôn độc lập nar 2-9 ta Quảng trường Ba Đình đo\ng. Nê lah ăp rup gui du\t khlay.

            Tâm ndơ ơm nha mât ndray mpeh Cách mạng khay Pham ta Bảo tàng Lịch sử Quân sự Việt Nam, mbuăt uh bah rmôt quân nhạc n’hanh nău mprơ Quốc ca bah nhạc sỹ Văn Cao lah ndơ nha hôm mât ndray du\t n’hâm khlay. Ăp mbuăt kông dja, Ban nhạc Vệ quốc đoàn le\ pit mplơ\ dơi bah rmôt uh mbuăt bah tahen Pháp ta Hà Nội. Nar 2-9-1945, mbuăt kông dja lăp ndrel nău mprơ “Tiến quân ca” le\ n’gloh nteh tâm nar wa Hồ răk Bản Tuyên ngôn độc lập ta năp le\ rngôch [on lan lam dak, deh luh dak Việt Nam Dân chủ Cộng hoà. Dơi măt saơ uănh ăp ndơ ơm nha dơi mât ndray nkre đah Nar Quốc khánh têh khlay bah neh dak, nô Nguyễn Văn Thanh, ta Thái Nguyên rngot nkoch:

            Gâp saơ mbuăt kông ntơm nơh dơh jêt dơm, mô têh mhe kơt a[aơ. Ndr^ ma ăp nhạc sỹ, ăp nu^h do\ng mbuăt kông nê nha uh dơi nău mprơ Tiến quân ca du\t n’gloh nteh ue\h đo\ng, ntoh luh n’hâm bah Nar tuyên ngôn độc lập. Gâp saơ le\ rngôch păng ntoh bah nău ro\ng dak ri bu mơ ndju^h dơi nuih n’hâm tâm nău mprơ n’hanh nău nteh nhạc mơ ue\h kơt nê|.

            71 năm le\ rlău ăp ndơ têl ơm an saơ bah rơh dâk lơh Cách mạng khay Pham 1945 n’hanh Quốc khánh 2-9 nha hôm n’gloh mbro đo\ng. Tâm ăp nar khay djang kăl e, ăp ndơ ơm, ndơ nha hôm dơi pla n’hơ ta ăp bảo tàng rgop rdâk tay nău n’hao êng săk rnoi nu^h bah ăp rơh kơn nu^h Việt Nam, lơn lah đah ăp rơh mom ndăm mpeh nău way ơm lịch sử rdâng lơh rklaih luh rnoi nu^h, rdâk njêng n’hanh mât njrăng neh dak./.

Nu^h rblang: Điểu Thân