Tâm 5 nar rlu lễ 30/4 ndrel 1/5 năm aơ, hŏ geh 125 rbăn năch tât Dak Lak uănh pâl, rlu n’aih. Tâm nê, rnoh năch dak ba dih tât gŭ jŏ nar geh hao âk. Ngăn lah, n’gor hŏ vơt 123.500 năch tâm dak ndrel rlau 1.500 năch dak ba dih, hao rnoh năch rlau 8% rđil rơh aơ năm e. Nau dŏng jrâu bĭch bah ăp ntŭk geh nklăp 75%. Tâm du đê̆ ntŭk rlu n’aih tâm nklang nkual ƀon têh Buôn Ma Thuột ndrel homestay êp dak jăng, nau geh dŏng jrâu rlu, bĭch măng geh rlau 90%.

Rnoh geh bah nau kan pâl n’aih tâm rnôk pâl n’aih bah Dak Lak rnôk aơ geh 62,5 rmen prăk. Tĭng wa Nguyễn Thuỵ Phương Hiếu, Groi giám đốc Sở Văn hoá, Thể thao ndrel pâl n’aih Dak Lak, n’gor geh âk nau dơi ndrel nau dăng gay hun hao ăp nau kan pâl n’aih sinh thái, rlu rlau, pâl n’aih nsum mpôl, pâl n’aih geh nsum ma nau kan tuch tăm. Yor rnôk rlu lễ aơ tâm rnôk yan vai, bri duh nar hô ri ma ăp nau kan pala n’aih aơ lah nau săch âk ngăn bah bu năch.

Nkhêp geh nar rlu lễ 30/4 n’hanh 1/5 năm aơ, nkual ƀon têh Đà Lạt, N’gor Lâm Đồng wăch rgum rlău 170.000 tơ̆ năch, hao bơi 42% rđĭl đah ndrel khay dja năm e nơh. Lôch hăn ôp uănh, rnoh âk jrô bĭch rlu bah ăp khách sạn bah 1-5 sao ta n’gor ăp nar rlău aơ rĭng geh nklăp 80%, ăp ntŭk manh gŭ ndeh êng ƀa ƀă mât ta rnoh  75%.

Ndrel đah pah kan nkrơ̆ chrat ang uĕh tay nkual ƀon  têh, n’hao săk uĕh ăp ntŭk rhŏ dŏng an pâl nđaih, rnôk nar rlu dja ta nkual ƀon  têh Đà Lạt ƀư âk nău kan văn hoá, pâl rlưn, wăch rgum n’hanh tŏng geh an nău ŭch uĕh ntŭk pâl nđaih bah năch tâm n’hanh bah dih dak. Tâm rnoh 170.000 tơ̆ năch tât hăn uănh pâl, rlu rlău ta nkual  ƀon têh Đà Lạt tâm rnôk lễ  dja, geh 162.800 tơ̆ năch tâm dak. Bol rnoh năch dak bah dih hôm đêt, mhe wăch rgum geh 7.200 tơ̆ nuĭh dơm yơn nha hôm hao  tât 60% rđĭl  đah ndrel khay dja năm e nơh đŏng./.