Ôi nđaơ (18/10), N’gâng kan Văn hóa n’hanh Pâl nđaih n’gor Dak Lak ƀư mbơh ƀon pâl nđaih ntŭk gŭ rêh ta ƀon Tơng Jŭ, xă Ea Kao, nkual ƀon têh Buôn Ma Thuột. Aơ lah ƀon tal 4 bah n’gor dơi kơp dơn ƀon pâl nđaih ntŭk gŭ rêh. Bah dŭt năm 2023, tĭng nău ntrŭnh mrô 2433 bah UBND n’gor Dak Lak, ƀon Tơng Jŭ dơi ntop kơl ngih wâl, ndoh ndơ, chĭng gông, rwăt năp măy tính, nsưng mpan n’hanh ndâk ƀư trang thông tin điện tử pâl nđaih gay hun hao pâl nđaih ntŭk gŭ rêh tĭng trong lôch uĕh.

Tĭng n’gâng kan Văn hóa, Thể thao n’hanh pâl nđaih n’gor Dak Lak, ƀon Tơng Jŭ lah ngoăy tâm 4 ƀon dơi kơp dơn lah ƀon pâl nđaih ntŭk gŭ rêh tâm năm aơ, ndrel đah 3 ƀon Tuôr (nkual ƀon têh Buôn Ma Thuôt), ƀon Kly A (nkual têh Buôn Hồ) n’hanh ƀon Jun (nkuăl Lắk). Aơ lah nău ƀư têh bah nău kan pâl nđaih rƀŏng tât mbah rhơn 120 năm ndâk njêng n’gor Dak Lak. Kơt nĕ, tât aƀaơ n’gor Dak Lak lĕ geh 7 ƀon pâl nđaih ntŭk gŭ rêh dơi jêng n’hanh an dŏng.