Kêng măng 1/11, ta Buôn Ma Thuột, Dak Lak hŏ ntơm pơk pla n’hơ rup săk ntơr ăp rnoi nuĭh Việt Nam. Ƀư ntơm bah nar aơ tât lĕ nar 10/11 ta Bảo tàng Dak  Lak, Pla n’hơ, nkoch mbơh 200 păng rup bah 87 nuĭh tơm ƀư, dơi sơch bah hang rbăn păng rup bah ăp nuĭh way rgum joi rup n’hanh mô way rgum joi rup lam dak.

Păng rup mpơl dơi văn hóa ntĭt êng, ntoh lư bah 54 rnoi nuĭh Việt Nam, bah nău way, ôp brah lah yang, gŭ rêh, ndơ nsoh n’hanh lễ hội way ơm. Bah nê, gay n’hao săk geh nău rêh rdâk njêng nău rêh văn hóa nkre đah mât ndray n’hanh ntik n’hao rnoh khlay, n’hao rnoh geh uănh dŏng văn hóa an nuĭh ƀon lan, tâm nê an lor ăp rnoi mpôl đê̆ dŭt đêt nuĭh. Nkre ƀư ăp tŏng, rdâk  njêng du păng rup uĕh, ntoh lư, săk ntơr êng mpeh 54 rnoi nuĭh Việt Nam gay nkoch mbơh, nkoch trêng, nkơnh n’hơ tâm ăp rnôk lễ hội, ăp nar kan têh khlay, ăp nău kan văn hóa, njroh mprơ tâm n’hanh bah dih dak.