Kêng măng 29/10, UBND n’gor Lâm Đồng ƀư rƀŭn mbơh ăp nu naư mpeh Festival nkao Đà Lạt rơh tal 10 năm 2024. Đah Bôk nău “Nkao Đà Lạt-Bản giao hưởng sắc màu”, Festival nkao Đà Lạt rơh tal 10-năm 2024 mbra ƀư bah lơ 24/12 tât lĕ lơ 31/12/2024, đah 10 bôk nău ƀư khlay n’hanh 12 bôk nău ƀư rƀŏng tĭng.

Tâm nĕ rlău ma 2 bôk nău kan ntơm ƀư n’hanh lôch jêh tâm rgop măng njroh mprơ mbah rhơn năm mhe 2025, Festival nkao Đà Lạt rơh tal 10 geh tay nău uĕh yor ntŭk ntô nkao dơi ƀư lam n’glău Xuân Hương n’hanh ta ăp trong nklang Đà Lạt, geh nkual ƀon têh ndrănh vang-trà-cà phê n’hanh ndơ kah Đà Lạt, ntŭk tăch ndơ biăp-nkao, bôk nău ƀư tâm nđŭr văn hóa nghệ thuật lam ntŭr neh Đà Lạt-Hàn Quốc, Carnaval trong nkual ƀon têh nkao n’hanh drăp ndơ yău.... Festival nkao Đà Lạt rơh aơ mĭn lah tay Đà Lạt lah nkual ƀon têh Festval nkao bah Việt Nam, nkual ƀon têh mĭn ƀư mhe tâm nău âm nhạc bah UNESCO n’hanh nkual ƀon têh mpeh tâm “Rmôt 15 nkual ƀon têh Festival uĕh bah châu Á.