Nău rƀŏng tât năm 2050 ndơ̆ pâl nđaih Dak Lak jêng ndơ moh êng têh dăng; lah ntŭk pâl nđaih sinh thái, rlu rlău, ƀư ngăn văn hóa n’hanh pâl nđaih dak lêng uĕh ngăn. Ăp đại biểu rgop mpeh nău rgop na nê̆ ntŭk ntô pâl nđaih jêh nglăp nsum; ƀư kloh nău boăt nthoi Đông-Tây; mĭn lah ndơ năl săk n’hanh ndơ moh êng pâl nđaih bah n’gor.

N’glôn jêh rơh rƀŭn, wa Đào Mỹ, Groi Kruanh UBND n’gor Dak Lak đă ntŭk kan djăt tŏng ăp tay nău rgop, lôch jêh nău rgop an tâm nchră tĭng trong ƀư na nê̆ ntŭk nsan, ndơ moh êng pâl nđaih Dak Lak tâm nkual n’hanh lam dak; ndâk njêng ăp ndơ pâl nđaih tâm rgop đah bri n’hanh dak lêng tĭng trong rƀŏng “du trong hăn-2 trong sinh thái”, boăt nthoi ntŭk ntô pâl nđaih Đông-Tây.