Ntoh ngơi ta rơh pă giải, Kruanh Quốc hội Trần Thanh Mẫn đă, báo chí an geh mbơh tơih răng dăng na nê̆, săk rnglăy tay lơn nău ntrŭnh, nău kơl bâh Đảng, pháp luật bâh ngih dak, trĕ lam nău mĭn rgâl mhe , n’hao nuih n’hâm đah âk nuih ƀon lan ndrel  nsrôih tât râng ta nău kan hun hao neh dak. Báo chí an geh lah mpôl hăn bôk năp tâm nău mât nău min bâh Đảng, nsrôih nklơi jăng ăp nău kan tih, nău kan mô ueh di. Ntŭk ntoh nău mplư rlăm, nău mbơh mô di ta nĕ geh báo chí mbơh lah tay, ntŭk geh nău mbơh tih, nău mĭn tih, ntŭk nĕ geh báo chí tât mbơh nău ngăn, ndâk nsơm naư knơm. Đảng, ngih dak n’hanh ƀon lan knơm, báo chí cách mạng Việt Nam an geh n’hao tay nău way kan ueh, tâm di mhe, dŏng nău gĭt hăr bâh nơm gay ma kơl an neh dak, kơl an ƀon lan. Hội đồng giải báo chí ngih dak lĕ pă an 11 tác phẩm geh giải A, 26 tác phẩm geh giải B, 50 tác phẩm gh giải C. Đài TNVN geh 2 giải A.