Bôk nău kan geh nău tâm rgop măt bâh rlău 100 doanh nghiệp Việt Nam n’hanh Liên bang Nga pah kan tâm ăp trong kan ŭnh nar, tăch rgâl, ntuh kơl, pâl nđaih, trong trôk n’hanh công nghệ. Ngoăy tâm âk nău khlăy bâh bôk nău kan lah rơh pă ăp ntil văn kiện tâm kơl đah doanh nghiệp bar dak ta năp nău tât râng bâh Thủ tướng Chính phủ Lê Minh Hưng n’hanh nuĭh leo kan gưl têh 2 ding. Nău dŭt nkah ngăn lah ăp nău ntrŭnh tâm kơl ta trong kan tơm pring đah Petro Vietnam n’hanh Zarubezhneft, nkre lah mbơh âk nău kahgĭt tâm kơl ta ăp trong kan ŭnh nar, khoa học công nghệ, hun hao ndơ dŏng, rgâl mhe rnoh mbrô, dak si, pâl nđaih n’hanh ntuh kơl. Ăp nău tâm ton kan geh tâm mbơh ta bôk nău kan tâm rgop pơk hvi nău tam boh tâm kơl wăng sa đah Việt Nam n’hanh Liên bang Nga, njêng nău kan khlăy an nău mbơh tơih ăp nău kan na nê̆, nsĭt tay nău geh ueh ngăn an doanh nghiệp n’hanh n’gâng kan wăng sa 2 dak tâm let năp tay.