Ta rơh vơt, Tổng Bí thư, Kruanh dak Tô Lâm lah na nê̆, Đảng, Ngih dak n’hanh ƀon lan Việt Nam  dŭt uănh khlăy tâm boh kan ndrel đah dak Cộng hoà Liên bang Đức, uănh Đức lah dak kan ndrel tơm khlăy đah  bôk năp bâh Việt Nam ta châu Âu. Tổng Bí thư, Kruanh dak Tô Lâm lah na nê̆ du đê̆ nău tâm kơl kan tơm khlăy đah 2 dak tâm let năp tay, tâm nĕ an geh ndâk nsơm du đê̆ nău mpŏng kan tơm khlăy chính trị bâh nău tâm boh kan, tâm mâp gưl têh n’hanh dŭt âk ta ăp ntŭk kan Đảng, Ngih dak n’hanh Quốc hội, nsrôih geh dŏng âk nău tâm ton kan tăch rgâl đăp mpăn ueh lăng Việt Nam- EU (EVFTA) gay ma ơm n’hao nău tăch rgâl đah 2 ding rlău 20 rmen đôlar, mât nău kan 2 dak lah ntŭk tăch rgâl bôk năp bâh 2 ding ta EU n’hanh ASEAN, nkre lah mô rlu n’hao nău tâm kơl kan ngăn ngên, geh săk rnglăy ta ăp trong kan êng êng kơt khoa học- công nghệ, rgâl mhe mĭn kan, rgâl mhe rnoh mbrô, nău wăng sa nđir, wăng sa tâm pleh kan. Groi Kruanh Quốc hội Bodo Ramelow tâm ban ŭch đah Tổng Bí thư, Kruanh dak mpeh nău n’hao tâm nđur ƀon lan, tâm nđur văn hoá, n’hao nău rêh jêng rlău 200 rbăn nuĭh Việt Nam ta Đức tâm ban kơt rbăn nuĭh Việt Nam lĕ tă nti, pah kan ta Đức gay ma ndâk nsơm nău kan tâm rnglăp tâm kơl nâp nâl ueh đah 2 dak.