Nar nar 18/6, rnâng kan ntĭm leo ƀư tĭng nău mpŏng hun hao wăng sa 2 rnoh mbrô n’gor Đăk Lăk lvang năm 2026-2030 ƀư rơh rƀŭn nchră tal 3 gay ma uănh năl nău geh hun hao wăng sa- rêh jêng 6 khay bôk năm n’hanh ngluh mbơh ăp trong kan ntrôl an hun hao tâm let năp tay. Gay ma ƀư lôch nău hun hao bâh 10% let lơ tâm năm 2026, hun hao nău wăng sa nsum 6 khay dŭt năm bâh n’gor Đăk Lăk an geh rnoh bâh 11,8% tât 12%. Tĭng nău mbơh wa Lương Nguyễn Minh Triết, Bí thư n’gor uỷ Đăk Lăk, ăp nuĭh kan ndrel bâh rnâng kan leo kan, UBND n’gor lĕ geh âk nău nsrôih tâm nău uănh nđôi  ăp nău mpŏng hun hao, doh rklaih nău jêr jŏt an nău kan n’hanh doanh nghiệp. Nkre lah, đă ăp ntŭk kan, n’gâng kan ntŭk an geh rgum doh rklaih tay ăp nău kan hôm nha nklen khan , ntrôl dăng nău mbơh dăn dŏng neh, nsrôih răng dăng pă prăk ntuh kơl nsum n’hanh ƀư lôch nău kan gay ma ăp nău kan mhe ơm geh ƀư, nta tay nău dơh nơih gay ma hun hao an ăp khay dŭt năm.