UBND phường Đông Gia Nghĩa an gĭt n’gor lĕ ndâk ƀư rmôt dun n’gang ngăch n’hanh mbơh ƀư ăp trong nkhĭt rdâng srê tĭng nău ntrŭnh. Tă bah uănh nđôi, geh 40 mlâm sŭr bah rnăk wâ Mai Thanh Sự ta tổ dân phố Đồng Tiến geh duh hô, blao sa, luh rdih mham ta ntô n’hanh khĭt ndal.

Jêh rnôk jêh năl, n’gâng kan ƀon lan lĕ nchoeng n’gang ntŭk srê, ƀư tâp bôr lĕ rngôch mpôl sŭr tĭng nău ntrŭnh, nkre ƀư răk rao, puh rao nkual mât rong đah hóa chất n’hanh srih vôi. Yơn đah nău nkhĭt rdêl srê, phường Đông Gia Nghĩa n’hao groi nđôi ta nkual geh srê n’hanh ăp nkual kiău ma; nkoch trêng, ntĭm nuĭh ƀon lan kơt dŏng ăp trong mkra mât rong đăp mpăn sinh học, mô rdêng, rwăt tăch mô lah nkhĭt roch sŭr srê.