Ta rơh tâm nchră, ăp đại biểu an gĭt, rlău ma dak dŏng n’hanh dak tŏ, miền Trung n’hanh Tây Nguyên geh tât 94 rnoh dak kloh n’hanh dak duh ơm bâh neh. Tĭng nău mbơh bâh PGS.TS Nguyễn Văn Lâm, Kruanh ntŭk kan mât uănh neh mih sail Việt Nam, aơ lah nău dơi dŭt têh gay ma hun hao wăng sa. Gay ma n’hao rnoh kan aơ, ăp ntŭk an geh ơm mbơh tơih nău nchrăp kan lĕ rngôch n’hanh geh ntuh kơl têh mpeh công nghiệp. Rơh tâm nchră “mât uănh, dŏng n’hanh mbơh nău ntuh kơl hun hao neh ntu dak dŏng ndrel đah tuch tăm, nkual ƀon lah mhe n’hanh ŭnh nar ueh nđir ta miền Trung - Tây Nguyên” lĕ geh pơk luh du rơh ntuh kơl, geh âk rnoh kan bâh nău kan tâm kơl kan nsum- kan êng (PPP) gay ma ƀư lôch ntŭk mât dak dŏng, doh rklaih âk nău kŏ văk aƀaơ, mpŏng tât hun hao nâp nâl an lĕ nkual.