7 - Ăp nar dăch aơ, nău lư ta Đăk Lăk dŭt phit klach ta năp âk rơh tâm lơh kon hoc ta ngih nti geh âk. Ăp clip tâm lơh nsum, ƀư âk nău tâm lơh băl nti geh pơk âk ta mạng xã hội mô dơn ƀư dŭt ji nuih an âk nuĭh ma hôm nha geh mbơh njrăng nău mbơh lor mpeh nău mô tâm di mô tâm rnglăp tâm ngih nti đah kon hoc, an saơ nău tâm rgop bâh rnăk vâl- ngih nti ê hŏ tâm di. Wa Lưu Tiến Quang, Groi giám đốc ntŭk kan ntĭm nti n’gor Đăk Lăk an gĭr, n’gâng kan lĕ geh mbơh tơih âk trong kan gay ma n’hao njrăng nău tâm lơh bâh ơm, bâh ngai. Ăp ntil săm ƀŭt ntĭm đă, ăp ntrong kan njrăng nău tâm lơh ta ngih nti way geh ndơ̆ mbơh tâm lĕ năm nti. Njrăng nău tâm lơh ta ngih nti an geh ntơm bâh tu tơm, rdâk njêng ngih nti đăp mpăn, tâm rŏng n’hanh kon hoc geh djăt, geh tâm rŏng, geh tâm kơl mbơh ueh nău mĭn an ngăch.