Nău geh nglôch lôch rơh pah kan, Tổng Bí thư, kruanh dak lah na nê̆ 5 nău mĭn kan têh gay ma dơi geh hun hao n’gâng kan công nghiệp ntil ndơ dŏng tâm let năp tay, tâm nĕ, an geh uănh năl công nghiệp ndơ dŏng lah n’gâng kan công nghiệp tơm khlăy tâm ntrong kan công nghiệp mhe, nău rêh mhe bâh neh dak. Tổng Bí thư, Kruanh dak lah na nê̆, nău nsrôih rgâl bâh sŏk dŏng ndơ ơm geh jêng nău kan nkret ƀư, ƀư tơm công nghệ n’hanh n’hao nău khlăy hun hao tâm dak nơm, n’hao mhe nău khlăy an têh lơn, njêng nău mhe mpeh khoa học- công nghệ, nău mpŏng kan, uănh năl n’hanh nuĭh kan ueh di lơn, hun hao doanh nghiệp Việt Nam n’hanh njêng ntŭk tăch rgâl tâm dak an ntil ndơ kan mhe, ntil ndơ ueh kloh nđir, ntil ndơ tom khlăy ƀư lôch nău kan, trong kan tâm rgop ăp n’gâng kan, n’hao nău uănh nđôi, uănh năl n’hanh mât nău ueh di bâh ngih dak ta rơh lăp kan ndrel ta lam ntur neh.