Nglôch lôch rơh pah kan, Tổng Bí thư, kruanh dak lah na nê̆ an geh dơn ngoăy  nău gĭt vât kan tâm lĕ trong kan chính trị an lah công nghệ lượng tử lah nău kan tơm khlăy bâh ngih dak, an geh ƀư mbơh tâm lĕ rngôch Nghị quyết 57 bâh n’gâng kan Chính trị n’hanh ntrong kan hun hao neh dak ta rơh mhe, ndrel đah mât đăp mpăn rnă njrăng ngih dak, mât rnoh mbrô ngih dak, công nghiệp bán dẫn n’hanh nău mĭn kan tâm kơl kon nuĭh. Tổng Bí thư, Kruanh dak đă an geh uănh nđôi lĕ rngôch ăp trong kan mbơh nău khlăy  bâh Đảng, Ngih dak, mât rnă njrăng ngih dak, ngân hàng, ŭnh nar, viễn thông...Gay ma rdâk njêng ntrong kan rgâl mhe rnoh mbrô an tâm di, leo kan bâh ơm, bâh ngai, nkre lah rgum ntuh kơl tơm , der mpung lir, mpŏng tât njêng ăp ntŭk kan mĭn uănh têh dăng n’hanh ntŭk kan thí nghiệm tơm khlăy.