Tât aƀaơ, lam n’gor Lâm Đồng geh rlău 109.000 ha nkra njêng lŏ mir kơt dŏng công nghệ mhe; rlău 1.200 ha nkra njêng lŏ mir gĭt blău mhe kơt dŏng công nghệ mrô, pơk dŏng êng n’hanh ăp trong mkra mât uănh mhe.

N’gor lĕ ndâk njêng geh 16 nkual nkra njêng lŏr mir kơt dŏng công nghệ mhe n’hanh 7 doanh nghiệp dơi kơp dơn lah doanh nghiệp lŏ mir công nghệ mhe. Aƀaơ n’gor dôl pơk hvi ntrong ƀư nkra njêng lŏ mir gĭt blău mhe kơt dŏng công nghệ mrô, cảm biến ntŭk ntô gŭ âm, pơk dŏng êng tâm tăm biăp, nkao n’hanh tơm sa play; Ăp ntrong ƀư nkra njêng hữu cơ đah cà phê, chè, tơm sa play, tơm dak si; Nkre pơk hvi ăp ntrong ƀư lŏ mir tâm pleh tâm tuch tăm, mât rong n’hanh nkret njêng ndơ lŏ mir, tâm di đah trong hun hao lŏ mir kloh uĕh n’hanh tâm di nău đă nar lơ âk bah ntŭk tăch dak bah dih.