Tâm năm kan bah năp, Hội liên hiệp Bu ur ăp gưl lĕ nchrăp rgâl mhe nkô̆ nău, trong ƀư, dơi ƀư rlău ăp nău kan kơt ntrong leo tâm rlong “Ndâk njêng nuĭh Bu ur Việt Nam rơh mhe”; nău rgŏ jă “Ndâk njêng rnăk wâl 5 mô, 3 kloh uĕh”; ăp nău ƀư ntop kơl bu ur n’hŭch ach oi, hun hao wăng sa dơi ƀư jru hvi, rgop ntop kơl rlău 200 rbăn rnăk geh bu ur rklaih ach o; 118 rbăn bu ur dơi ntop kơl ndâk njêng nău kan n’hanh ndâk njêng mhe rlău 700 hợp tác xã yor bu ur râng mât uănh... Đại hội lĕ săch Ban Chấp hành Trung ương Hội Liên hiệp Bu ur Việt Nam khóa 14 geh 111 đồng chí. Wa Lê Thị Thủy săch tay Kruanh Hội Liên hiệp Bu ur Việt Nam năm kan mhe.

Ntoh ngơi ntĭm rđău đại hội, Kruanh Quốc hội Trần Thanh Mẫn mĭn lah, tâm lôch jong lịch sử bah rnoi nuĭh, bu ur Việt Nam lĕ mĭn lah ƀư tơm khlay ta lĕ rngôch ăp ntil nău bah nău rêh jêng. Kruanh Quốc hội Trần Thanh Mẫn nsing nơm, đah nău way ơm uĕh lăng, nuih n’hâm rŏng dak, nuih n’hâm têh, nuih n’hâm tâm kơl, nău mĭn ƀư mhe n’hanh nuih n’hâm hao têh dăng, bu ur Việt Nam mbra geh âk nău rgop têh lơn an nău hun hao ngăch n’hanh nâp nâl bah neh dak tâm rach năm mhe, tâm di đah 8 rplay samƀŭt khlay ma Wa Hồ he lĕ an bu ur Việt Nam “Anh hùng-Bất khuất-Trung hậu-Đảm đang”.