N’gâng kan dak si n’gor Dak Lak lĕ mbơh ƀư tât lĕ rngôch ăp Ngih n’hanh ntŭk dak si ta 102 xă, phường ƀư tĭng trong nchrăp but uănh săk soan ăp rơh, but uănh an dơm an nuĭh ƀon lan. Tâm nĕ, rlong ƀư ta 4 xă, phường lah Tân An, Tuy Hòa, ăp xă Đồng Xuân n’hanh Krông Bông; 98 xă, phường ƀa ƀă mbra mbơh ƀư bah lơ 1/7 tât.

Tât aƀaơ, bơi 500 nuĭh ƀon lan lĕ dơi but uănh tŏng ăp tĭng nău ntĭm bah N’gâng kan dak si, n’hanh trong kan săch hôm e dôl ƀư tay đah hăng rbăn nuĭh. N’gor Dak Lak jêh nglăp nsum geh 3,34 rkeh nuĭh. Lvang 2026-2030, Dak Lak nchrăp pă an 1.000 rmen prăk/năm gay but uănh lor an dơm an nuĭh ƀon lan. Êng năm 2026, n’gor pă an 400 rmen prăk an 102 ngih dak si xă, phường, đah nklăp 350 rbăn rmen prăk/nuĭh/rơh but uănh. Rlău 2 pơh rlong ƀư, knơm nchrăp lor ndoh ndơ, nuĭh kan, ntrôl dăng trong kan nkoch trêng ndrel nău tâm ban ŭch, rƀŏng tĭng dŭt n’hâm bah nuĭh ƀon lan, nău ƀư tĭng Nghị quyết ntơm djôt dơn ăp săk rnglăy uĕh, nta an mbơh ƀư tâm ban ta lam n’gor khay tât.