Ndơ ƀư geh rnoh neh ndâk ƀư rlău 220m2, rnoh neh dŏng rlău 440m2, dơi ndâk ƀư nâp nâl đah bê tông lŭ loih, jrŏng loih n’hanh mpir n’gang dak lip, tâm di nău ŭch trơn du, gŭ âm rgum an nuĭh ƀon lan rnôk geh trôk nar lơh.

Dĭng lĕ prăk ntuh kơl 1,5 rmen prăk bah kon nuĭh tâm rgop, nchrăp jêh tâm khay 9//2026. Ndơ ƀư rgop n’hao dơi njrăng n’gang trôk nar ta bah dâng, boăt nthoi săk rnglăy nău kan Quang Trung lĕ ntop kơl ndâk ƀư, nkra jay gŭ an nuĭh ƀon lan jêh dak lip. Êng ta Hòa Thịnh, rlău 100 mlâm jay nâp nâl lĕ dơi ndâk ƀư an ăp rnăk geh jay lĕ rlâm mô lah dak klôn rdu lĕ rngôch.