Nhih nti geh lĕ rngôch tơm prăk ntuh kơl rlău 1.516 rmen prăk, dơi an ƀư ta 7 xã n’har bri lah Ia Mơ, Ia Púch, Ia Pnôn, Ia Nan, Ia Dom, Ia Chía n’hanh Ia O. Kơp tât bôk khay 6, nchrăp mbra ƀư lôch jêh nklăp 50% rnoh âk lôch ƀư. Yơn lah, lĕ 7 nhih nti nha hôm mbrơi nklăp 1 khay đŏng.

Ban mât uănh ăp trong nchrăp ntuh kơl n’gor Gia Lai đă , ntơm bah aơ tât lĕ 30/8, ăp đơn vị râng kan, rgum lĕ tơm ndơ, ra uănh tay rnoh ngăch tĭng gâl kan, kơi ntop tơm nuĭh kan, ndeh rklư n’hanh ƀư mbro gay đăp mpăn ƀư lôch jêh nhih nti. Ăp nuĭh tơm mbơh nti, groi nđôi ân way grêt dăch ntŭk ƀư, kơp uănh lhăt nâp uĕh, đăp mpăn nuĭh kan, mô njău ma đă ngăch ma khuch tât nâp uĕh nhih nti.