UBND n’gor Gia Lai mhe n’gluh an dŏng trong nchrăp tâm pleh bác sĩ sĭt pah kan geh năm ton ta ăp nhih dak si xã, phường gay ntop kơl nău dơi kan dak si tâm dâng n’hanh n’hao săk tam mât chăm n’hâm suan ƀon lan. Tĭng trong nchrăp, năm 2026 n’gor rhă rgum 38 bác sĩ bah ăp nhih dak si, trung tâm y tế n’hanh ntŭk but săm ji sĭt ntop kơl 30 xã, phường geh nău ŭch an ƀư lor. Aƀaơ lam n’gor geh 135 nhih dak si xã đah nklăp 370 ntŭk manh gŭ săm, yơn nha hôm 4 ntŭk mô hŏ geh bác sĩ n’hanh 76 ntŭk mô hŏ tâm pă dơi bác sĩ pah kan. Nău tâm pleh bác sĩ mbra rgop mât geh nău tam but săm ji bôk năp, hŭch bah ir mpet jâk rdeng hao nhih dak si bah lơ đah ăp nău ji ngăn. Ăp bác sĩ dơi ntop n’hao hôm râng ntĭm nti nău way blău kan an nuĭh kan dak si tâm dâng đŏng. Trong nchrăp an kơl lor ăp nkual jru, nkual ngai, nkual n’har bri n’hanh nkual rnoi mpôl đê̆.

Ntŭk kan dak si n’gor Dak Lak dôl ntrŭnh bư khay kan mêt uănh uănh n’hâm soan ƀa ƀơ ân ƀon lan tĭng nau ntrŭnh mrô 72 bah Rnâng kan rđau kan trung ương Đảng. Bôk nau kan rgŏ jă ndrel uănh n’hâm soan ân nŭih bu ranh geh ƀư tâm phường Tân An, Phường Tuy Hoà, xã Krông Bông ndrel xã Đồng Xuân gay rhuăt luh nau tă geh dơi lor ma ntrŭnh ƀư tâm lam n’gor tâm lơ 1/7. Ăp ntŭk kan ngih dak si nchrăp tŏng nŭih kan, ndơ dŏng ndrel nau kan kơl an nau mât uănh n’hâm soan. Rmôt nŭih geh kơl an lah bu ranh, nŭih geh n’hâm, nŭih rven, rnăk ach o, êp ach o, nŭih geh nau ji ơm jŏ, nŭih rnoi mpôl đê̆ ndrel nŭih ƀon lan tâm nkuăl jêr jŏt. N’gâng kan dak si hŏ ndâk nau nchrăp n’hêl, pă nau kan ân ăp rmôt, mât đăp mpăn bôk nau kan ntrŭnh ƀư ân tam tâm 102 xã, phường tâm lam n’gor.