N’glôch jêh rơh hop, Tổng Bí thư, Kruanh dak lah rjăp nău n’gluh an dŏng Nghị quyết 36 lah trong an ƀư di, geh nău khlay têh jong, rgop n’hao nău gĭt êng mpeh ntŭk gŭ kan, nău khlay kan bah dak lêng; wat jêh mbrơi lam trong n’guăk, trong kơl; ntrŭt ntrôl hun hao ăp n’gâng kan wăng sa dak lêng, n’hao âk ndơ dŏng meng dak lêng, rgâl geh nău rêh nuĭh ƀon lan n’hanh rdâk nâp njrăng n’gang neh dak, rnă njrăng, tâm boh, mât njrăng ƀư tơm dak lêng, gôl dak.

Yơn lah, wăng sa dak lêng nha mô hŏ hun hao tâm di đah săk geh n’hanh hun hao bah neh dak đŏng. Tổng Bí thư, Kruanh dak dăn đă gŭ mĭn rdâk njêng du nghị quyết mhe bah Trung ương mpeh dak lêng, njêng đăt ndal mpeh nău mĭn, trong tĭng n’hanh trong ntĭt leo hun hao dak lêng, tŏng đah nău ŭch geh hun hao tâm rơh mhe.