Nkre, n’gor đăp mpăn ăp nkô̆ nău geh êng mpeh lịch sử, văn hóa, nău rêh way ơm, nău geh neh ntu, mât njrăng bri dak, rnă njrăng n’hanh hăn ndrel nău geh ơm bah nsum mpôl ƀon lan. Tĭng jêh kơp uănh 124 xă, phường, đặc khu ta lam n’gor aƀaơ geh rlău 2.770 thôn ƀon, tổ dân phố.

Trong  ƀư dăp tay bôk năp nchrăp n’hŭch hôm rlău 1.200 ntŭk kan, tâm ban rnoh n’hŭch rlău 43%. Yơn lah, gay n’hao săk rnglăy mât uănh n’hanh tâm di đă hun hao tâm lvang mhe, ăp ntŭk dôl kơp uănh tay gay nsrôih geh rnoh hŭch bah 50% let lơ. Nchrăp lơ 10/6, UBND n’gor mbra an trong ƀư lĕ rngôch mpeh dăp, nglăp nsum thôn, tổ dân phố, ƀư nkô̆ nău gay ăp xă ndâk njêng nău rgop an tâm nchră ƀư na nê̆ ta ntŭk.