Đah 1.700 doanh nghiệp mhe njêng bâh bôk năm 2026 tât aƀaơ, lam ngor Đăk Lăk aƀaơ geh 19.575 doanh nghiệp kan êng dôl pah kan, le rnoh prăk mbơh dăn kan bơi tât 80 rbăn rmen prăk. Ndrel đah nău n’hao mpeh rnoh doanh nghiệp, rnoh geh tơm prăk bâh n’gor lĕ kơp dơn rnoh hun hao ueh. Tĭng nău mbơh bâh wa Nguyễn Anh Tuấn, Kruanh Thuế n’gor Đăk Lăk, nău geh tay 1.700 doanh nghiệp mhe lăp kan ta ntŭk tăch rgâl đah n’gâng kan âk ntil lah nău ueh mhe đah ntŭk kan doanh nghiệp n’hanh ntŭk ntuh kơl tăch rgâl  ta ntŭk. Aơ mô dơn lah nău khlăy gay ma ntrôl an hun hao wăng sa- rêh jêng, ma hôm nha geh ntop rnoh geh an tơm prăk ngih dak, njêng nău nsrôih gay ma ƀư tĭng nău hun hao wăng sa 2 rnoh mbrô bâh n’gor tâm năm 2026  n’hanh lvang năm let năp tay.