Sở Văn hoá, Thể thao ndrel Pâl n’aih Lâm Đồng dôl ma nsôih tâm rgop ndrel ăp n’gâng kan mêt uănh, kơp nau ƀư nau kan ntuh kơl ndrel nau kan tăch rgâl mô tâm di bah nkô̆ nau bah nau kan pâl n’aih nâp prêh ta Đà Lạt.

Kơt Radio Việt Nam lĕ mbơh, Bôk nau kan pâl n’aih geh nau prêh Đà Lạt geh UBND n’gor Lâm Đồng pă săm ƀŭt kơp dơn ntuh kơl tâm năm 2012, ta mrô 23 trong Quang trung, Phường 9, nkuăl ƀon têh Đà Lạt. Yơn lah, tât dŭt năm 2030, nau kan aơ geh ndâk jêh yơn leo dŏng đah ăp nau dơi lah du ntŭk gŭ rlu n’aih 4 sao, geh nau dăng tât 50 jrâu gŭ rlu.

Jêh nau mbơh geh nkoch, UBND n’gor Lâm Đồng hŏ ntrŭnh nau rđau đă ăp ntŭk kan, n’gâng kan geh tât ndrel UBND nkuăl ƀon têh Đà Lạt ƀư mêt uănh, kơp nau ntuh kơl, nau kan bah ntŭk gay gay ma mbơh nchră geh rklaih lơi. Tĭng wa Nguyễn Thị Bích Ngọc, Groi Giám đốc Sở Văn hoá, Thể thao ndrel pâl n’aih Lâm Đồng, tât rnôk aơ, mrôt kan hŏ đă UBND nkuăl ƀon têh Đà Lạt rđau ăp ntŭk n’gâng kan rhuăt săm ƀŭt ân ƀư ntŭk gŭ rlu n’aih đah ntŭk kan aơ./.