Măng 24/10, ta nkuăl têh Lộc Thắng, nkuăl Bảo Lâm, n’gor Lâm Đồng hŏ ntơm ƀư Nar rgum Văn hoá, Thể thao nkuăl rnoi mpôl đê̆ n’gor Lâm Đồng tal VII. Nar rgum pơk đah nkô̆ nau ueh đah nau tur chĭng bah 20 rmôt kan, đah rlau 300 nŭih tă bah ăp nkuăl, nkuăl ƀon têh bah N’gor Lâm Đồng râng.

Aơ lah

nau kan văn hoá ueh, di nkah 30 năm nar ndâk nkuăl Bảo Lâm, gay mât ndrel ƀư tĭng ueh ăp nau ơm yau bah ăp rnoi mpôl đê̆ tâm n’gor Lâm Đồng. Ăp năm rlau aơ, n’gor Lâm Đồng hŏ pơk 100 jrâu ntĭm nti tur chĭng ân bơi tât 3000 nŭih druh ndăm lah nŭih rnoi mpôl đê̆ tâm n’gor. Nkre, kơl an chĭng gong ân 113 rmôt, nah ao nsoh vay ơm ân 186 rmôt, kơl an 72 ndơ dŏng ân ăp ngih rƀŭn rgum tâm ăp thôn bah nkuăl rnoi mpôl đê̆./.