Kêng măng 5/4, ta Hà Nội, Ban Tuyên giáo Trung ương kan nsum đah Bộ Văn hóa Thể thao n’hanh Pâl  nđaih ƀư tâm nchră giao ban đah Liên hiệp ăp hội Văn học nghệ thuật Việt Nam n’hanh ăp hội Văn học nghệ thuật way rnâng kan Trung ương quý I/2024.

Siƀŭt mbơh ta rnôk tâm nchră an saơ,  tâm quý 1, lam dak, ăp nău kan blău mhe, nchreng an uănh, nkoch n’hơ ăp ndơ geh ƀư văn học, njroh mprơ ƀư khuh n’gôr, đah ăp trong ƀư âk mpưm, tŏng đah nău ŭch geh rup uĕh măt uănh âk ntil bah nsum mpôl. Mpeh  nău dơn kan quý 2/2024, wa Nguyễn Minh Nhựt, Vụ trưởng Vụ Văn hóa, Văn nghệ, Ban Tuyên giáo Trung ương an gĭt, Liên hiệp n’hanh ăp hiệp hội, ăp nhih pah kan geh tât rgum đăm jru ăp tŏng ăp nău mĭn, trong nchrăp, gung trong bah Đảng, trong  kơl bah ngih dak mpeh văn hoá, văn học nghệ thuật an âk mpưm rmôt văn nghệ sĩ. Lor rdâk njêng tay trong nchrăp, ntĭm nti ntrŭt ntrôl ăp hội, chi hội tâm dâng râng ăp nău kan mbah rhơn ăp nău kan chính trị, nar lễ têh khlay bah neh dak kơt rklaih luh Miền Nam dơn ngoăy neh dak 30/4, Nar pah kan lam ntŭr neh 1/5; 70 năm lơh dơi Điện Biên Phủ.