UBND nkual BMT, n’gor Dak Lak lĕ uănh an prăk ndâk ƀư nău nchrăp mpông pêr mpeh bah lơ nkual ƀon têh, nthoi đah ntŭk rvêh Buôn Đôn. Ndơ ƀư dơi sŏk bah nău ŭch bâh rveh, ntil mpa ntĭt mpơl bah n’gor Dak Lak. Mpông pêr mpeh bah lơ nkual ƀon tâh BMT dơi ndâk ƀư ta tỉnh lộ 1, kâng n’har đah phường Thanh Nhất n’hanh xă Ea Nuôl, nkuăl Buôn Đôn.

2 N’gâng mpông pêr lah me nkuăng rveh ntă bê tong n’gâng loih dâk gâng. Bôk rveh n’hanh nom n’hao prêh, yơk mpông pêr đah loih nglang jong 14 mét, prêh 8,5 mét. Mpông pêr mpeh bah lơ BMT dơi nglăp bảng điện tử lĕ 2 ding, dŏng công nghệ ŭnh màu fulll led nchoăt rplay sam ƀŭt. Dĭng lĕ rnoh ntuh kơl ndâk ƀư rlău 5,5 rmen prăk. Tĭng wa Trần Đức Nhật, Groi Kruanh UBND TP BMT, mpông pêr mpeh bah lơ nkual ƀon têh mô knŭng dơi geh ăp nău ŭch mpeh nău uĕh n’hanh nâp nâl, ma hôm kơl gĭt nău ntil mpơl văn hóa, bri dak n’hanh kon nuĭh ta ntŭk, ntrŭt mât ndrăy nău khlay way ơm n’hanh mât rƀăy rveh. Aơ lah ndơ ƀư nkah gĭt 120 năm ndâk njêng n’gor Dak lak n’hanh 120 năm BMT têh jêng n’hganh hun hao.