Tâm 2 nar 13 n’hanh 14/4, Tết Bunpimay, hôm kuăl lah Tết Lào, ƀư n’gŭr răm ta ƀon Ây Nô, buôn Trí, xă n’har bri Krông Na, nkuăl Buôn Đôn, n’gor Dak Lak. Tết Bunpimay ƀư đah ăp nău ƀư brah tĭng nău way ơm bah nuĭh Lào kơt: ŭm Phật, dăn uĕh lăng năm mhe; kăt rse brai ta ty dăn nău uĕh lap, mbuh mon tháp choih dăn an uĕh lăng, n’ông ŭnh nkao đăng ta dak me, ƀư nău njroh mprơ way ơm, njroh lăm vông.

Nău uĕh ngăn tâm lễ hội năm aơ rnôk bôk năp geh ƀư wơt Nàng Chúa Xuân Nang Sang Khane, njroh lăm vông n’hanh tâm rsach dak ta trong buôn Trí hăn tâm nkual pâl nđaih Ntung yung n’hanh Đảo Ây Nô. Ta aơ, nuĭh ƀon lan n’hanh năch dơi tâm rnglăp nơm tâm ăp nău rlong ƀư uĕh kơt tâm nđŭr văn hóa chĭng gông, uh gŏ mboăt n’hôm Lào; tâm rlong “ndơ sông sa ta gôl dak” n’hanh “ntơr uĕh kho ao rnoi mpôl đêt Tây Nguyên”; hăn ƀư ngăn nkrơh an rveh, chŭp rup rveh đah năch pâl nđaih.