N’gâng kan ntĭm nti n’gor Dak Lak mhe ƀư nau tâm nchră khoa học đah nkô̆ nau “Ntĭm nti nkoch tât nau ơm yau Tây Nguyên ân kon se nti ntơm jrâu 10-12, ăp nau kan lý luận ndrel nau ngăn”. Rơh rlau aơ, ntŭk kan ntĭm nti n’gor Dak Lak hŏ ntrŭnh âk nau ntĭm nti tâm nkuăl bah ăp ntil ndơ, ndrel ma nau ndâk nau ueh tâm ngih săm ƀŭt. Âk ngih săm ƀŭt hŏ tâm rgop nsum ma nkô̆ nau ơm, ndơ nsoh, nau ueh geh nkra, nau nkoch ndrong lăp tâm ăp rnôk ntĭm nti rgum nsum.

Tâm rnôk tâm nchră, ăp ntoh măt nkoch âk nau blau ndrel âk nau kan ngăn gay ntĭm mbơh nau khlay ân kon se ntơm jrâu 6 tât jrâu 12. Ăp nau rgop kŏ tâm ban lah, nau ntĭm nti nau ơm mra kơl an rơh mom gĭt kloh mpeh tu tơm ơm yau, rgop nau n’hao nau gĭt bah ƀon lan ndrel n’hao nau tâm rnglăp tâm nau rêh, ngăn lah tâm nkuăl geh âk rnoi mpôl kơt Tây Nguyên./.