Măng 11/7, ta Ngih mprơ Lam Sơn, nkuăl ƀon têh Thanh Hoá, n’gor Thanh Hoá geh ƀư măng Chung khảo Liên hoan phát thanh lam dak tal 16 năm 2024 yor Radio Việt Nam tâm rgop ma UBND n’gor Thanh Hoá ƀư. Liên hoan phát thanh lam dak tal 16 năm 2024 mô knŭng lah nar rgum bah ăp nŭih ƀư ntoh nau ngơi ma hôm geh tâm rnôk ăp n’gor bah lam dak nsôih ƀư nau nchrăp nau kan Đại hội Đảng ăp gưl, rƀŏng tât Đại hội lam dak tal 14 bah Đảng ndrel rƀong nkah 100 năm báo chí Cách mạng Việt Nam. Đah nkô̆ “Ntoh nau ngơi Việt Nam-âk ntil tâm rnôk ntrơn rgâl mrô”.

 Liên hoan phát thanh lam dak tal 16 năm 2024 năl lah, ntrơn rgâl mrô tâm báo chí lah nsum ndrel ntoh nau ngơi lah êng mô knŭng ntrơn rgâl mrô mpeh nau kan, nau ƀư, ma nau khlay lơn, nê lah ntrơn rgâl mpeh nau mĭn, nau gĭt, tă bah gưl mât kan, rđau kan ân tât ăp nau kan bah nau nkra ndrel pă mbơh uănh báo chí. Aơ lah nau kan leo nau ueh, geh nau khlay ngăn tât nau hôm dơi ndrel hun hao bah ăp ntŭk kan báo chí lah nsum ndrel ntoh nau ngơi lah êng tâm rnôk mhe./.