Đah nkô̆ “N’hong dak me chrat ang”, ta Jay rot Kon Klor, phường Thắng Lợi, nkual ƀon têh Kon Tum, Hội Nghệ sĩ múa Việt Nam kan nsum đah UBND n’gor Kon Tum ntơm pơk Pơh Lễ múa Việt Nam năm 2024. Tĭng TS. NSND Phạm Anh Phương, Kruanh Hội Nghệ sĩ múa Việt Nam, Kruanh Ban rđău đă, Pơh Lễ múa Việt Nam năm 2024 geh tât râng bah 8 mpôl njroh mprơ đah rlău 100 nghệ sĩ.

Aơ lah nar ƀư múa ăp năm dŭt têh ta Việt Nam geh hvi lam dak, geh nău têh gưl neh dak n’hanh dak bah dih. Lôch rnôk lễ ntơm pơk Pơh lễ Múa Việt Nam năm 2024, ta ntŭk jay Rot văn hoá Kon Klor, du ntil jay ntĭt mha êng bah rnoi nuĭh ta Tây Nguyên, nuĭh râng n’hanh ăp nuĭh ŭch rŏng múa uănh saơ nău kan lor bôk năp vở múa rơh mhe SeSan. Ma nău múa, ăp nghệ sỹ mpư rnê rup uĕh dăng, săk tơm bah văn hóa Tây Nguyên; nkre treh têl kloh nău tâm lăp văn hoá tâm ban kơt tâm jĭr nkrêp ƀon lan ăp rnoi nuĭh ƀon tơm ta ntŭk tĭng n’hong dak me Sê San.