Chĭng bah nuĭh Jrai dơi boăt nthoi jêng bôr, du bôr geh bah 3 păng let lơ, geh âk ntil n’hanh têh jêt êng êng; chĭng jêt ngăn geh bah 10-15cm, tâm nĕ chĭng me lah chĭng khlay ngăn. Wa Kpă Y Chua, ta ƀon Treng, xă Ea Hleo, nkuăl Ea Hleo, n’gor Dak Lak an gĭt: nuĭh Jrai ta Ea H’Leo geh âk ntil chĭng êng êng kơt chĭng Mnom, chiêng Arap, chĭng Trum, chĭng Wang. Du bôr chĭng aơ geh nău dŏng êng tâm nău rêh, dơi dŏng râng ăp nău ƀư brah n’hanh lễ hội êng êng. Bôr chĭng Mnom rnôk tŭr knŭng gŭ du ntŭk, hô bôr chĭng Arap dơi tŭr ndrel đah njroh, jêng bôr chĭng Arap hôm dơi kuăl lah bôr chĭng Suang. Kpă Y Chua an gĭt:

“Chĭng gông dŭt khlay tâm nău rêh bah nuĭh rnoi mpôl dêt, lơn lah đah nuĭh Jrai bah mpôl hên dŭt ŭch. Yor pơng geh tât đah nău rêh bah kon nuĭh. Geh âk ntil chĭng kơt chĭng Mnom, chiêng Arap, n’hanh chĭng arap rgâl mhe. Way dŏng kơt aơ, chĭng Mnom lah dŏng ƀư brah, bah năp đaơ ƀư brah mbơh đah tŭr du tơ̆ gay mbơh an ƀon lan gĭt nchrăp ƀư brah”.

Rmôt chĭng Jrai nkuăl Ea Hleo ta tâm nđŭr văn hóa chĭng gông n’gor Dak Lak năm 2022

Chĭng lah du nău nteh n’gôr dăch dêh tâm nău rêh văn hóa, nău tĭng bah nuĭh Jrai. Rnôk ƀư tĭng ăp ƀư brah n’hanh lễ hội an geh nteh chĭng. Nteh chĭng lah trong dak mham huêng phan, lah n’hâm soan, lah huêng chĭng tâm nău rêh bah nuĭh Jrai. Yor nău khlay bah chĭng jêng ăp nuĭh Jrai ntŭk aơ lĕ mô rlu nsrôih mât ndrăy n’hanh trêng ntĭm chĭng gông an rơh druh ndăm bah kơi. Nô Kpă Y Chua an gĭt tay:

“Tă bah mạng xã hội, tivi gâp dŭt ŭch dơi nkoch mbơh an ăp nuĭh gŭ ngai mô dơi mâp, djăt nteh chĭng. Bah kơi aơ kon sau mât ndrăy tay văn hóa yor chĭng gông geh n’gôr răm bah kon nuĭh, nteh chĭng n’gôr lĕ rngôch ăp nuĭh djăt tĭng mprơ da dê, geh tâm play nuih bah nuĭh Jrai, djăt dơi wât rnôk nteh chĭng”.

          Lah đah nău khlay chĭng tâm nău rêh văn hóa nuih n’hâm bah nuĭh Jrai ta nkuăl Ea Hleo, wa Nguyễn Huy Dũng, Kruanh jrô kan Văn hóa thông tin nkuăl Ea Hleo an gĭt, nău rêh kônh wa nuĭh Jrai ta aơ hôm e jêr jŏt yơn ăp nghệ nhân ta aơ dŭt uănh khlay nău uĕh văn hóa bah rnoi nơm n’hanh băl mpôl ndrel đah n’gâng kan ƀon lan nsrôih ƀư gay gay rơh bah kơi hôm e gĭt.

     Rmôt chĭng Jrai nkuăl Ea Hleo ta tâm nđŭr văn hóa chĭng gông n’gor Dak Lak năm 2022

     “Đah văn hóa chĭng gông ta nkuăl Ea Hleo geh nuĭh Êđê n’hanh Jrai. Đah nuĭh Jrau ta Ea Hleođŭt khlay, tâm nău rêh gŭ âm geh dŏng chĭng. Chĭng bah nuĭh Jrai lah chĭng bah nuĭh Jrai chĭng Arap n’hanh Arap rgâl mhe. Gay rdâk ƀư tay nău mât ndrăy chĭng gông mpôl hên lĕ ƀư âk trong. Mpôl hên mâp kônh wa mĭn joi văn hóa bah khân pơng n’hanh khân pơng lah nuĭh mĭn m’hâm ƀư gay pơng mât ndrăy. Tâm ƀon geh âk nghệ nhân ŭch văn hóa bah nơm jêng rnôk ƀư dŭt dơh. Êp tât mpôl hên mbra pơk jrô trêng ntĭm tŭr chĭng ta ƀon aơ n’hanh ăp ntŭk êng lam nkuăl. Mpŏng mbra geh săk rnglăy mât ndrăy uĕh lơn aƀaơ”.

Chĭng lah drăp ndơ khlay ma nuĭh Jrai nkual neh aơ geh bah u che. Nteh chĭng, leo ăp nuĭh dăch êp ndrel, tâm rnglăp kon nuĭh đah bri dak, yôk nar, nhŭp ty rgum njroh tĭng xoang./.