Nau ƀư mpoh kthup gay ntoh nuih n’hâm nkah nau vay “Ngêt dak nkah gĭt tu” bah ăp nŭih tâm nkuăl neh Gia Lai đah ăp Kđăch Hùng tâm nar Giỗ Tổ ueh ơm. Rnoi Jrai tâm Gia Lai ndrel ma nau nkah nau kơl an bah Kđăch Hùng, kônh wa hôm geh nau ƀư ôp brah yang, đah nau mĭn “ăp ntil kŏ geh huêng”, nê lah ăp Brah kơt, Brah yôk, brah dak, brah bri...Bu rang Ô Phung, tâm ƀon Gum Góp, xã Ea Rmok, nkuăl Krông Pa mbơh, tâm khay 4 ăp năm, rnoi Jrai hôm ƀư nau ôp brah Pơtao Apui gay ma ŭch geh mih lăng prăng ueh, săk play lay mbôn:
‘Đah ma rnoi Jrai, ntơm bah kăl e tât rnôk aơ, kônh wa kŏ mât ueh ngăn nau vay ryơk Kđăch, tâm nê geh Kđăch ŭnh. Yor aơ lah nŭih mro kơl an tât nau rêh bah kônh wa, mro ŭch nau rêh bah kônh wa nar lơn ma hơm răm, mih lăng prăng ueh, ngănlah yan vay tâm năm aơ ri aơ lah nŭih ntoh măt ân kônh wa ƀư ăp nau dăn brah mih, aơ kŏ lah rnôk gay kônh wa ntoh nau tâm rnglăp tâm kơl, rlet rlau nau jêr jŏt. Rnôk aơ ri n’gâng kan kŏ kơl an gay nơm geh dơi ndâk ăp nau ôp brah mih, ndrel kŏ lah rnôk gay kônh wa dăch ngai gĭt lơn tât nau ôp brah ndrel kŏ lah gay ma mât nau ueh ơm bah rnoi jrai”./.
Viết bình luận