Tâm bôk nău  kan Giỗ Tổ Hùng Vương 2024, Tâm rlong nklâm, gâm bánh chưng, juh bánh giầy năm 2024 hŏ dơi ƀư ta nkual ƀon têh Việt Trì, n’gor Phú Thọ. Tâm rlong đah nău tât râng bah 13 mpôl tât bah 13 nkuâl, nkual ƀon têh tâm n’gor Phú Thọ.

Ăp nuĭh blău nklâm, gâm bánh chưng mbra tâm rlong blău nklâm 5kg phe mƀêt, 1kg tuh, 1kg puăch sŭr… jêng 10 nklâm bánh chưng drŭng dŭt jŏ lah 10mnĭt, gâm hôl bánh tâm 5 mông. Đah nkô̆ juh bánh giầy, ăp nuĭh tâm  rlong ân hôl 5kg phe mƀêt dŭt jŏ 30mnĭt, jut n’hanh nhŭp  jêng 10 nklâm bánh giầy dŭt jŏ tâm 15  mnĭt. Kêng dŭt tâm rlong, mpeh nklâm, gâm bánh chưng, rmôt nkual ƀon têh Việt Trì geh giả Nhất; ăp rmôt nkuâl Lâm Thao, Cẩm Khê, Thị xã Phú Thọ geh giải Nhì; hôm ăp rmôt ƀa ƀă geh giải Ba. Hôm nkô̆ juh bánh giầy, rmôt Yên Lập geh giải Nhất; ăp rmôt nkuâl Thanh Ba, Hạ Hoà, Tam Nông geh giải Nhì; ăp rmôt hôm ƀa ƀă geh giải Ba.