VOV4.M’nông: Công ty TNHH Một thành viên lâm nghiệp Đăk Hà nkuâl n’har bri Ia H’Drai, n’gor Kon Tum dơi jao an mât njrăng 34.000ha bri, tâm nê geh 18.000ha mpeh săk kơl trok tâm prăk mât njrăng bri tu dak. Lah Công ty mhe dơi n’gor Kon Tum njêng tâm rnôk jêr jo\t, mô ăp to\ng, nău geh neh bri dơi trok tâm prăk mât njrăng le\ kơl Công ty geh tơm prăk do\ng đăp mpăn gay mât njrăng bri ue\h lơn.

            34.000ha bri krông, tâm nê geh 18.000 ha mpeh săk dơi kơl prăk mât njrăng bri bah dak bôr bah Công ty TNHH Một thành viên lâm nghiệp Đăk Hà mpeh neh bri du\t jêr njrăng rđ^l đah ăp neh bri hôm [a [a\ ta n’gor Kon Tum. Nkô| lah yor ndrel đah neh bri hvi, bri ta aơ njok t^ng dak me Sê San n’hanh lah ta nklang dak bât thuỷ điện Sê San 3A n’hanh Sê San 4 đo\ng. Rlău ma nê nkual dja hôm tâm kâng n’har đah nkuâl Ia H’Drai n’hanh nkuâl Ia Grai bah n’gor Gia Lai du\t dơh an ăp nu^h lăp lơh bri mô geh nău way đo\ng. Wa Tống Tấn Lực, Giám đốc Lâm trường Sê San, du nhih pah kan mpeh Công ty TNHH Một thành viên lâm nghiệp Đăk Hà a[aơ dôl mât njrăng 21.000ha bri ta aơ an g^t:

            “Lơn âk ăp rnăk [on lan rnoi mpôl đê| ăp rnăk gu\ rêh meng dak me lah khân păng hăn ma duk mpan si, lôch nê duk máy tât khân păng lăp tâm ăp dak diăng khân păng mu^h bri [ư mir jêng pah kan mât njrăng bah lâm trường lah oh nô du\t o\ r’ah. Njok bar ding dak me lah du\t jong jêng pah kan oh nô du\t o\ r’ah rlău ntu\k êng [a [a\”.

            Ndrel đah jêr jo\t tâm mât njrăng bri bah dih, du nău jêr jo\t đo\ng ma Công ty TNHH Một thành viên lâm nghiệp Đăk Hà mâp nê lah prăk do\ng [ư đê| dơi pă tâm năm, tơm prăk lơn âk do\ng an nău trok prăk khay n’hanh ăp ndơ kơl êng [a [a\ an cán bộ công nhân viên nhih pah kan. Yor kơt nê|, bol ma rnoh khlay trok prăk mât njrăng bri bah dak sor bôr an ăp ha bah nhih pah kan dja thuk đêt rđ^l đah ăp nkual êng [a [a\ bah n’gor, dơn geh 100.000 prăk an ăp ha dơm n’hanh lôch nê dơi rgâl hao du\t n’hâm đê| 200.000 prăk t^ng quy định yơn aơ nha lah tơm prăk khlay kơl nhih pah kan rdâk njêng tay mât bôk kan, tâm ăp ntu\k gu\ kâp ntru\t ntrôl pah kan mât njrăng bri. Nô Phạm Ngọc Lập, nu^h kan ta ntu\k kâp njrăng bri mbrô 10 Lâm trường Sê San an g^t:

            “Nău kan bah mpôl hên lah nsong hăn ăp nar. Tâm rnôk khay wai mpôl hên way [ư nsong hăn chop uănh măng gay njrăng ăp nu^h su bri [ư mir. He ban saơ lah he ntru du mô lah mbơh an gưl bah lơ gay geh trong nkra rmal lhăt lơn đah nu^h nê”.

            Geh tơm prăk đăp mpăn ntơm bah 18.000ha bri dơi trok tâm prăk mât njrăng bri, Công ty TNHH Một thành viên lâm nghiệp Đăk Hà lor nchrăp lơn tâm pah kan mât njrăng bri. Wa Ngô Văn Hải, Giám đốc Công ty an g^t, đah nkual trong dak me dăch n’har đah n’gor băl Gia Lai, nhih pah kan le\ tâm pă [ư 6 ntu\k gu\ kâp njrăng n’hanh kơi n’hao tay 20 nu^h tâm le\ rngôch rnoh 50 cán bộ nhân viên nhih pah kan an ntu\k dja. Rlău ma nê nơm geh tơm prăk do\ng dja đo\ng, nhih pah kan le\ t^ng [ư jăp pah kan nkoch trêng, rgo\ jă gay nking nchăng bah ngai ăp nău tih lăp lơh bri:

            “Mpôl hên le\ rgum âk mpeh nău nkoch trêng le\ rngôch ăp ntu\k [on lan gu\ tâm ban kơt rnăk [on lan đo\ng. Nkre ma đah nău nkoch trêng lah way kan nsum mbro đah ăp mpôl Công an, tahen n’har bri, Kiểm lâm, n’gâng kan ta ntu\k n’hao âk tơ\ hăn chop uănh ntru lơh gay ban saơ, nking nchăng, n’hanh nkra rmal ngăch nău tih đo\ng”.

            Nơm geh tơm prăk do\ng đăp mpăn bah nău trok tâm prăk mât njrăng bri ntop đah nău nsrôih mât njrăng neh bri dơi jao, ntơm bah bôk năm tât a[aơ rnoh âk tơ\ tih lăp lơh bri bah Công ty TNHH Một thành viên lâm nghiệp Đăk Hà hu\ch âk. Na nê| kơt ta Lâm trường Sê San, ntu\k duh hô mpeh nău lăp ru\n in neh bri gay tuch tăm tâm ban kơt lơh si mô geh nău way đo\ng, ntơm bah bôk năm tât a[aơ nhih pah kan dja dơn nchih săm[u\t njuăl an Hạt kiểm lâm nkuâl Ia H’Drai rmal 5 tơ\ nău tih du\t đêt rđ^l đah ntơm nơh./.

Nu^h rblang: Điểu Thân