VOV4.M’nông – Đah ntu\k gu\ bri l^ng dak rngot, jêng tâm rnôk tâm lơh tâm su nkuâl Krông Bông lah nkual căn cứ cách mạng bah n’gor Daklak đah moh săk mpôn lah H9. Rlău 50 năm rklaih luh, đah nău ntuh kơl bah Đảng n’hanh Ngih dak, nkual neh dja le\ geh âk nău rgâl, nău rêh bah nu^h [on lan dơi rgâl geh âk.

Trong hăn bah nkual [on têh Buôn Ma Thuột tât xă nkual jru ngai Cư Đrăm, nkuăl Krông Bông rlău 100km le\ dơi tuh chai.

Ăp nar, geh âk ndeh buýt jêng hăn trong du\t dơh. Rse điện le\ tât ăp thôn [on; đah le\ rngôch rnăk geh điện, rho\ do\ng nkra njêng n’hanh gu\ âm jêng nău rêh bah kônh wa geh nău rgâl âk. Wa Amí Hằng ta [on Chăm A, xă Cư Đrăm nkôp:

Kăl e njê ngăn, trong hăn mô geh, điện mô geh a[aơ trong hăn geh hôm dơi ngih dak ntuh kơl, trong hăn, điện, ntung yu\ng hăn nsong dơh lơ. Kăl e mô geh điện kon ho\k hăn anh long gle su gay nti. A[aơ geh điện hôm dơh âk ngăn. Geh điện do\ng Kama dak, n’gon piăng, ndơ do\ng tâm rnăk wâl. Uănh nău mhe tuch tăm mât rong g^t mât rong g^t moh tơm tăm.

Ta ntu\k n’gleh du\t bah nkuăl Krông Bông, xă Yang Mao geh 76% rnoh nu\ih [on lan lah rnoi mpôl đêt. 15 năm bah năp, rnoh rnăk ach o geh rlău 80%, a[aơ le\ hu\ch rlău n’gul. Wa Y Drai Mdrang, Kruanh UBND xă Yang Mao, nkuăl Krông Bông an g^t nău rgâl thôn [on ta aơ le\ geh âk nău rhơn knơm ăp bôk nău kan, nău nchrăp [ư bah Ngih dak ntuh kơl ntung trong ngih wâl n’hanh ntop kơl nkra njêng tuch tăm.

Dơi uănh kơl bah Đảng n’hanh ngih dak. Lơn lah uănh kơl tâm nău [ư ntung trong ri muh măt bah xă lah nsum n’hanh ăp rnăk [on lan ta lam xă lah êng nkôp đah ăp năm bah năp dơh âk lơn. Tâm ne\ geh ăp nău kơl mpeh nt^m nti, dak si, rnăk wâl deh kon đêt. Lơn lah nău ntuh kơl ntu\k uănh răk sam [u\t way ơm đah tin học le\ ndơ\ ăp nu nău mpeh khoa học kỹ thuật tât kônh wa kơl kônh wa g^t khoa học kỹ thuật mhe kơt t^ng tuch tăm, mât rong, hun hao wa\ng sa rnăk wâl.

Ndrel đah Cư Đrăm n’hanh Yang Mao, ăp xă êng tâm nkual căn cứ cách mạng H9 kăl e a[aơ le\ “rgâl ntô săk”, nău rêh bah kônh wa le\ dơi hao âk. Bah du nkual ji ngot ach o mro, tât a[aơ kônh wa le\ m^n joi êng ndơ sông sa, đah rnoh ndơ geh ăp năm nklăp 100 rbăn tấn. Yơn lah, wa Huỳnh Bài-Kruanh UBND nkuăl Krông Bông hôm e âk nău rvê, yor bơi 1/3 rnoh nu\ih ta aơ hôm e jêr jo\t, mpo\ng đah nău nchrăp [ư n’hu\ch ach o bah Chính phủ mbra ntơm rgâl mhe.

Đah Trung ương, nkuăl, n’gor ntuh kơl tay an nkual aơ. A[aơ dôl geh nău nchrăp n’hu\ch ach o nâp nâl dôl dơi Chính phủ uănh ntuh kơl an nkuăl mbra rgop trong joi sa an nu\ih [on lan. Gay [on lan ntuh kơl đăp mpăn tuch tăm n’hao nău rêh t^ng gưl [ư ndro\ng. Ne\ lah đah bôk nău kan êp tât ăp xă căn cứ cách mạng bah mpôl hên./.

Nu\ih rblang: Y Sưng Phê Ja