VOV4.Mnông:  Nar naơ, 7-9, ta thủ đô Vientiane dak Lào, Thủ tướng Nguyễn Xuân Phúc le\ geh rơh tâm nchră dêh rmên đah nu^h kan mbơh nău ngih dak, kruanh n’gâng kan nchră nău đah dak bah dih Myanmar Aung San Suu Kyi. Ta rơh tâm mâp, Thủ tướng Nguyễn Xuân Phúc n’hanh wa Aung San Suu Kyi lah na nê| Chính phủ bar dak ua\nh khlăy nău mât n’hanh hun hao tay lơn nău tâm boh tâm rnglăp way ơm n’hanh tâm kơl âk ding đah bar dak Việt Nam n’hanh Myanmar, yor nău geh nsum bâh [on lan bar dak, ntop ta nău tâm kơl n’hanh tâm rnglăp ASEAN, yor nău đăp mpăn, ueh răm n’hanh tâm kơl ta nkual. Thủ tướng Nguyễn Xuân Phúc dăn đă mpeh đah Myanmar geh nta tay nău dơh nơih an doanh nghiệp Việt Nam ntuh kơl, pơk hvi tăch rgâl ta Myanmar, ngăn lah ta ntrong kan bât động sản, ngân hàng, viễn thông, hàng không, ndơ trôm neh, pal nđaih n’hanh tuch tăm. Bar ding tâm ban u\ch tâm rgop tay na nê| ta rnôk ASEAN n’hanh ta ăp rơh tâm mâp ta nkual n’hanh lam ntur neh.

Nu^h rblang: Thị Đoắt