VOV4.M’nông – N’gor Gia Lai mhe [ư geh nău dơi Tâm nchră ntru\t ntrôl ngăch ntuh kơl lâp tâm n’gor năm 2016 đah nău dơi geh rlău 30 trong nchrăp kan n’hanh le\ rngôch rnoh tơm prăk 20.000 rmen prăk dơi ký ton tâm boh, ndơ\ an săm [u\t kơp dơn ntuh kơl. Bol ma kơt nê|, nha hôm du lvang tâm [ah hvi ân dơi klaih rlău đo\ng, gay Gia Lai n’hanh nu^h ntuh kơl mbra [ư ăp ntil le\ tă ký ton jêng nău geh ngăn ngăn an le\ bar ding. Ntơm bah nău ngăn geh ăp ko\ kol tâm pah kan wa\ch rgum ntuh kơl n’hanh an [ư ăp trong nchrăp ntuh kơl ta n’gor

Hoàng Anh Gia Lai lah doanh nghiệp rdâk [ư nău kan ta n’gor Gialai n’hanh a[aơ lah tập đoàn wa\ng sa têh ngăn nkual Tây Nguyên, đah ding le\ rnoh drăp ndơ dơi ntru\nh rnoh 50.000 rmen prăk. Yơn lah, doanh nghiệp aơ hôm e dôl tâm rnôk duh jêr hô prăk kaih. Tâm rnôk rdâk hao bah doanh nghiệp nsing tâm tuch tăm mât rong mâp jêr jo\t yor khan mpeh nău kơl geh tât neh ntu, ngăn lah ăp rnoh neh geh tât nău nchrăp rgâl 100 rbăn ha bri mô jêng an tăm cao su. Wa Võ Trường Sơn, Tổng Giám đốc Tập đoàn Hoàng Anh Gia Lai, an g^t:

Tăm tơm cao su 2 năm bôk năp tơm hun hao ngăch, du\t ueh yơn tât năm tal 3 ri tơm rlu hao, kor rtăk mô geh. Lah mât kơt ne\ ri săk rnglay wa\ng sa đêt, mô so\k tay prăk ơm. Mpôl hên mpo\ng, ăp gưl n’gâng kan rblang tay nău ngăn n’hanh uănh đah pơng gay geh trong rgâl an tăm tơm sa play, geh ăp ntil tơm ma tăm ta săk neh thơl kơt play Gu ga, play rba ri mbra mât geh săk rnglay wa\ng sa âk.

Ân geh nău rgâl mpeh neh ntu kơt nău u\ch khlay bah du\t âk doanh nghiệp rnôk u\ch ntuh kơl tâm nău kan tuch tăm ta Gialai, n’gor geh rnoh neh têh ngăn Tây Nguyên, têh ta lam dak. Wa Nguyễn Văn Hoè, Kruanh Ngih măi Sih An Khê, Công ty Cổ phần sik Quảng Ngãi, lah:

Nău u\ch bah doanh nghiệp lah hăn ndrel đah nu\ih [on lan, rgum neh ntu gay ndơ\ rgâl măi mo\k n’hanh kơt t^ng khoa học công nghệ. Yơn lah nău kơl rgum neh ntu hôm e đêt. Aơ lah nău doanh nghiệp janh dăn đă Thủ tướng, ăp N’gâng kan, nău kan n’hanh n’gor ân uănh m^n tay ăp trong [ư mpeh neh ntu. Rnôk rgum neh ri nu\ih [on lan, doanh nghiệp n’hanh Gialai mơ dơi hun hao.

Geh tât nău kơl đo\ng, âk doanh nghiệp an lah, Gialai lah êng, Tây Nguyên lah nsum dôl mô to\ng ăp trong [ư êng an wa\ch rgum ntuh kơl. Ndơ geh ơm, jâng nsan mô dơi âk nău jêr jo\t êng bah nkual, ngăn lah mpeh trong hăn, nu\ih tăch rgâl. Ntu\k ntô ntuh kơl mô ueh [ư ăp doanh nghiệp mô u\ch rnôk tât ntuh kơl.

Du nău nking n’gang têh tay [ư ăp nu\ih ntuh kơl hôm e rvê lah sam [u\t hành chính hôm e jêr. Ăp doanh nghiệp du\t u\ch nău hăn ndrel n’hanh nta an nơih bah n’gâng kan gay mkra nga\ch ăp sam [u\t, đăp mpăn trong kan ntuh kơl di ngăch. Wa Trần Thị Tuyết Mai, Kruanh Công ty TNHH MTV sinh học Minh Hoàng Gia Lai, dôl ntuh kơl ta nkual công nghiệp Trà Đa, Tp Pleiku, nkoch nău rgop:

Gay wa\ch rgum ntuh kơl n’hanh ăp nu\ih ntuh kơl đăp mpăn tăch rgâl nkra njêng ri trong [ư mât uănh sam [u\t hành chính ân rgâl. M’hâm [ư nta an ueh ngăn ân doanh nghiệp, dêr nău jêr n’hanh dêr ăp nău jo\ jông, m’hâm [ư ơm an doanh nghiệp mkra ăp nău kan khlay.

Tiêu Gialai

Dơi m^n ăp nău jêr, ê ho\ dơi [ư n’hanh mô jăp wa\ch rgum ntuh kơl, Gialai le\ m^n dăn đă đah Chính phủ, ăp n’gâng kan uănh m^n tay trong [ư êng an n’gor n’hanh nkual Tây Nguyên. Gialai le\ hăn lor tâm nău rgâl hành chính gay nta rgâl mhe. Săk rnglay, năm aơ n’gor dăp tal 13/63 n’gor, nkual [on têh, hao 38 gâl nkôp đah năm 2015. Aơ lah săk rnglay saơ na nê| ngăn ăp nău nsrôih bah n’gor gay rgâl ntu\k ntô ntuh kơl. Wa Nguyễn Đức Hoàng, Groi kruanh UBND n’gor Gialai, lah:

Aơ lah nău [ư ueh an nu\ih ntuh kơl n’hanh gâp m^n, bah ăp nu nău ne\, ăp nu\ih ntuh kơl mbra geh nău nsing nơm tâm nău kuăl jă wa\ch rgum ntuh kơl bah n’gor. Ton đah nu\ih ntuh kơl lah n’gor mbra ndrel đah nu\ih ntuh kơl dôh rklaih, mô an nu\ih ntuh kơl mâp jêr jo\t tâm sam [u\t sam tra hành chính.

Pah kan ta n’gor Gialai gay kơl [on lan joi ăp trong ntrôl dăng wa\ch rgum ntuh kơl, Thủ tướng Chính phủ Nguyễn Xuân Phúc lah rjăp, Chính phủ mbra nt^m rđau ăp n’gâng kan uănh m^n tay ăp trong [ư kơl an an n’gor n’hanh nkual Tây Nguyên tâm wa\ch rgum ntuh kơl. Yơn lah, nău wa\ch rgum ntuh kơl khlay ngăn lah bah n’gor, ân [ư t^ng trong le\ rngôch 3 ndrel đah doanh nghiệp lah “Ndrel m^n, ndrel [ư, tâm pă ndrel”. Thủ tướng lah đo\ng, nău hăn ndrel doanh nghiệp ân dơi [ư tâm ban ta n’gâng kan 3 gưl n’gor-nkuăl-xă

Ăp gưl n’gâng kan an nsrôih jêng n’hgâng kan [on lan tâm nchră, geh bah rgâl mhe. N’gâng kan n’gor nkuăl ân m^n hăn ndrel doanh nghiệp, dôh rklaih jêr jo\t an doanh nghiệp. gưl n’gor, nkuăl, xă le\ rngôch lăk bok nko\ da dê, lôch nău ka lơ lăk nko\, tâm dâng ndơm đinh.

Wơt dơn ăp trong [ư mhe wa\ch rgum ntuh kơl rnôk geh nău lăp bah Chính phủ, geh nău nsrôih bah n’gor, âk doanh nghiệp tâm n’hanh bah dih dak le\ m^n ndâk njêng an nơm trong nkra njêng, tăch rgâl mhe ta n’gor. Wa Ravindranath, Groi Tổng giám đốc Công ty TNHH OLAM Việt Nam an g^t, OLAM lah doanh nghiệp bôk năp lam ntur neh đah pă manh ndơ lo\ mir. Đah nău geh ơm n’hanh tâm ton bah Gialai, doanh nghiệp dôl uănh tay an nơm du trong tăch rgâl tuch tăm mât rong công nghệ mhe tâm ban lam ntủ rneh ta n’gor dil. Tâm ne\, OLAM nchrăp ntuh kơl gay Gialai jêng ntu\k nkra njêng tiêu têh ngăn n’hanh ueh ngăn lam ntur neh. Wa Ravindranath, lah:

Olam ntuh kơl an Gialai bah năm 2004. Tât rnôk aơ, mpôl hên hun hao nu\ih pah kan tât 1000 nu\ih ta ăp ngih măi tâm n’gor Gialai. Tâm nău nchrăp, mpôl hên kơt t^ng ăp công nghệ mhe mpeh ntil tơm tăm gay ndơ\ ăp ntil têh dăng lơn. Mpôl hên kơt do\ng công nghệ mhe toh dak ntruh gay đăp mpăn ueh do\ng dak săk rnglay lơn. N’hanh nău m^n bah mpôl hên lah ntuh kơl jêng ăp ntu\k, bah ne\, he dơi nti tă bah ăp trong tuch tăm ueh le\ [ư jêng.

20 rbăn rmen prăk mhe dơi ton ntuh kơl an Gialai. Lah ăp nău ton dơi [ư, ăp nău ueh, ndơ geh ơm dơi [ư ueh, Gialai mbra lah ntu\k tâm di an ăp nu\ih ntuh kơl tâm dak n’hanh dak bah dih [ư t^ng nkra njêng, tăch rgâl jo\ jông. Yơn nău n’gluh an lah n’ăp n’gâng kan n’gor n’hanh nu\ih ntuh kơl geh nău ueh di gay uănh lah di ndơ geh ơm, ntu\k ueh, dêr uănh tih, ăp rbăn rmen ntuh kơl mhe dơi mât ueh săk rnglay, ns^t tay nău ueh ngăn an nu\ih ntuh kơl n’hanh hun hao nâp nâl an n’gor ach o geh rnoh neh têh ngăn Tây Nguyên./.

            Nu\ih rblang: Y Sưng Phê Ja