Qênhx shênhx muôx ntux nas uô tox poz ar lơưk thiêz tsưr ziv phax tar

Têx kror tsuv pâuz

Cục sêiz car đêx ar thiêz Phax tar ntux têz uô ruôr hiêv heik pâuz, têx kror uô zôngx ziv muôx ar poz zos muôx lok nas ntêr hnuz, lok nas lox; ar thơưv đêx tas, shôngz ntông cho kêix, muôx suôz đror lox hâur ar; muôx yưv xưz plêz ntơưv têx faz nja tsêr, ntar trôngz; đêx hâur têx cưx đêx, cưx ha đro…

Txix co heik kriê têx tsưr ziv phax tar tox poz. Co zos, chos ntông, por vêv jôngr chiê txo grês qênhx shênhx ar poz; heik kriê trâu chor nênhs hâur chuôz zis, tiv zix zos nhuôs zâu, nênhs lâul, nênhs trâus sêv khiz luz chêr têx tsưr ziv phax tar tsuv pâuz; seiz mnôngs têx xor mông sâuv pov tsir, đeix thiêz tivi lok chor jiês lok nas lox, ntêr hnuz, zôngx ziv muôx ar poz; seiz shuôk têx qir tiv uô muôx ar poz, sêi đrơưv heik trâu chinhr quyênx ntơưv qơư pâuz.

Đros co, cxiv kho vax tsêr, njưs thêir pak đêx, thoz huk têx cưx cov đêx ntưk muk tâu sêi uô ntêx cheix ntux nas chuô; bax tsês zav nox, đêx hâuk, yuôx thiêz chuôz zênhx chơưv kho moz gênhk, tênhz, hlâu…; nriêr pâuz sêz jê zuk thax tsav qơư nhoz tưz muôx tox poz, đêx ngaz cuôr lơưv lok tsik tâu muôx; thax tsav nhoz jê ntus đêx, cưx đêx, cưx ha, jê ntus cêr muôx tsas cêr siêz.

Mnôngs jông têx suôz đror txơưr thiêz tsưr ziv phax tar

Lơưr têx lênhx nênhs seiz car thiêz nênhs nhênhz chơưv, tsuv seiz mnôngs njôngr têx txơưr txar muôx yưv iz ndis thax tsav qơư nhoz li têx cưx đêx nas sâuv têx ntar trôngz, muôx yưv têx caz ar xưz poz; mnôngs seiz pok muôx suôz đror li ntông lor vâu, poz jêz ntos… Kror trôngx lok sik kror trêi ntov chênhr, kriz tsik tâu. Muôx têx caz xưz plez yiêz sâuv têx faz nja, trur tsêr lok sik plas tsêr. Têx nja vax, plas cêr lok sik qox trâus txơưr txar. Nja vax, ndêx tênhv, shôngz ntông trâus kêix, txơưr txar… No zuôr zos têx kror puz pov zuôr zôngx ziv muôx yưv iz jiês ar poz.

Zos tiêk tsênhv nhoz jê iz tuk đêx, tsuv seiz shuôk txos têx đêx pur siêz lok sik txo grêk tsơưs. Zos đêx hlôngr txix nyiêz trâu đêx đro mak no cux zos iz kror puz pov zuôr zôngx ziv muôx ar poz.

Tiv zix, zos tsênhv tsar yêz muk sâuv têx ntu cêr ndê tox thâuv muôx lok nas lox, tsuv lok six chênhr phax, seiz sêz plas cêr puôk muôx têx kror kơưx, muôx cuô ar, poz jêz pôngz lok sik têx kror txơưr txar puz pov tiêk tsênhv zuôr muôx yưv têx ar xưz poz lok.  

Ciês thâuv pov muôx yưv ar poz, tsuv txar lênhx nênhs thiêz cxuô zav muk trâu têx qơư ngaz tuk. Thâuv txar qơư tsuv uô jông lơưr tsưr ziv, txar lênhx nênhs uô ntêx, chuôz zênhx cxuô zav txar lơưr kaz; txar mê nhuôs zâu, nênhs lâuk, nênhs moz, pox niêv uô ntêx. Qơư txar muk nhoz zos têx qơư xênhz huôx côngv thôngx li: tsêr cơưv ntơưr, tsêr kho moz lok sik têx tsêr truôx khor ngaz tuk hâur têx thax tsav iz ndis. Gra đros têx chuôz zênhx zov chênhr li: đêx hâuk, zav nox, yuôx, trik yo thiêz tênhz tơưl pov cêr…

Tiv zix, tsuv phax tar muôx đêx cuôr yôngz lok sik muôx ar poz. Kriz uô trơưk cơ quan muôx vax huôv hêik kriê, txar muk trâu têx qơư ngaz tuk thiêz đros cơ quan muôx vax huôv kho đuô têx trâus đêx ngaz cuôr, ar poz uô ruôr hiêv./.

Thanh Thủy-Lik Thox cxeik nhênhv