![VOVTB](/themes/custom/vov_4/images/avatar.png)
Tsưr ziv, hêik trâu DN thiêz nênhs lox tôngv pâuz lok cxaz chuôz thiêz tâu sơưv tsênhv chêi BHXH
BHXH tỉnh Bình Dương nhiv kruôr tsưr tsix sik thav đros Doanh nghiệp thiêz nênhs lox tôngv lok tsênhv chêi BHXH, BHYT. Jiês cơưv tưz hêik tsênhz mênhx txos tsênhv chêi BHXH, BHYT li kror zov chênhr hâur luz nênhx kinh tế-xar hôiv. Taz sik iz phênhv pêx xênhv thiêz doanh nghiệp cux tsênhv pâuz tsik tâu tsênhz txos tsênhv chêi BHXH, BHYT li kror zov chênhr, tsênhv tsik tâu đros cxaz chuôz.
Viv li, Jiês cơưv tsưr tsix chiê paz, têz, hêik trâu chor doanh nghiệp, nênhs lox tôngv pâuz lok cxaz chuôz thiêz tâu sơưv tsênhv chêi BHXH, BHYT; đros co zos hêik kriê têx kror sơưr đơưk tsênhv pâuz tsik tâu tsênhz.
Jiês cơưv cux tưz sêiz lax txos têx tsênhv njiêz li: Uô têx ntâuz ntơưr paz lok moz gênhs, trâus txiêz nanv; qênhx liv tâu sơưv thâuv so xênhz zus mê nhuôv; puôk zuôr jông gra nhiêx BHXH iz jiês lok zos tror cxaz chuôz chiê tâu sơưv nhiêx hli so lâul… thiêz têx kror tâu sơưv li: Muôx moz gênhs, xênhz zus mê nhuôv, txiêz nanv lox tôngv-moz cik txos hâux lưv uô, so lâul, trâus tuôs; hâux lưv sir zôngv kror liv txix ứng dụng VssID; tsưr ziv, ntâuz ntơưr cxaz chuôz trâu giao dịch điện tử hâur hâux lưv BHXH, BHYT.
Hlôngr njêx muôs BHXH tỉnh Bình Dương, Liên đoàn Lox tôngv tỉnh thiêz Sở Lox tôngv, Saz pênhz thiêz Xar hôiv tưz sik thav, hêik pâuz, têz ciês trâu nênhs lox tôngv thiêz nênhs sir zôngv lox tôngv pâuz lok têx cui tênhv cik txos tsênhv chêi BHXH, BHYT; hêik tsênhz mênhx txos kror tsiv gri, kror liv thâuv cxaz chuôz thiêz têx phiv liv njiz trâus thâuv tsik cxaz chuôz BHXH, BHYT; cux li hêik nênhs lox tôngv tsik gra nhiêx BHXH iz jiês chiê tov ntêx no muôx tâu nhiêx hli so lâul thiêz ntơưr BHYT tsik tas nhiêx txiêx.
Hêik pâuz lok qênhx shênhx gra nhiêx BHXH iz jiês
Ntơưv jiês cơưv, hlôngr njêx muôs ntâu doanh nghiệp hêik tsov cưv txos Dưv thảo Chêi BHXH (kho đuô) tsênhv tâu Côx hôiv sêiz lax thiêz njuôk xav thôngz đhâu ntơưv jiês cơưv tiv 7, tiv zix zos so lâul thiêz BHXH iz jiês. Iz zav li “nênhs lox tôngv shông no muôx 35 shông thiêz tưz cxaz chuôz BHXH tâu 15 shông. Zos gra BHXH iz jiês, đhâu co ho tror cxaz chuôz BHXH txix xuz thơưx. Li co, nênhs lox tôngv li nhiêx hli so lâul ntu tov ntêx no puôk zuôr phiv liv li chak?”.
Têz lo luk nus no, BHXH tỉnh Bình Dương puz pâuz, phênhv nhiêx hli thêv trâu BHXH tâu xav jênhv lơưr cui tênhv ntơưv Grê 62, Grê 64 Chêi BHXH 2014; Grê 9, Grê 10 Nghị định sôr 115/2015; Grê 20 Thông tư sôr 59/2015/TT-BLĐTBXH; Ntu 19 thiêz 21, Grê 1 Thông tư sôr 06/2021/TT-BLĐTBXH tâu xav li đrav kaz: Phênhv nhiêx hli so lâul yênhx hli bâuv kror phênhv puô tâu sơưv nhiêx hli so lâul yênhx hli nhân trâu phênhv nhiêx hli thêv trâu BHXH yênhx hli.
Hâur co, kror phênhv puô tâu sơưv nhiêx hli so lâul yênhx hli tâu xav jênhv zos thêv trâu BHXH txưv 20 shông (zos txir nênhx) thiêz 15 shông (zos pox niêv) mak tâu xav zos 45%; đhâu co cxaz nzir iz shông thêv nhiêx BHXH mak tâu xav cxaz nzir 2%. Kror phênhv puô nhiêx hli so lâul yênhx hli ntâu tiv zix zos 75%. Phênhv nhiêx sâu yênhx hli thêv BHXH tâu xav luz đraz chor phênhv sâu hli thêv BHXH hâur tas nro six hơưv thêv. Phênhv sâu hli tưz thêv BHXH zos kror chiê njuôk xav nênhs lox tôngv li phênhv sâu luz đraz yênhx hli thêv BHXH tâu kho đuô lơưr chỉ số sir zôngv hâur yênhx ntu trơưk Chinhr phuv li cui tênhv.
Đuô li, nênhs cxaz chuôz BHXH chiv chir zuôr muôx six hơưv thêv nhiêx BHXH ntâu đuô chor shông huv đros tâu sơưv nhiêx hli so lâul 75% thâuv so lâul, mak đrâuv nhiêx hli so lâul tsênhv tâu sơưv phênhv paz iz jiês. Phênhv paz iz jiês tâu xav lơưr chor shông thêv yax nhiêx BHXH chiê tâu sơưv nhiêx hli so lâul 75%, iz shông thêv nhiêx BHXH mak tâu xav bâuv 0,5 hli phênhv luz đraz nhiêx hli thêv trâu BHXH.
“Li co, chor shông thêv BHXH ziv ntâu shông thiêz phênhv nhiêx hli thêv BHXH ziv siêz, mak nênhs lox tôngv chor nhiêx hli so lâul txêik tâu hax zav siêz. Viv li, zos nênhs lox tôngv gra nhiêx BHXH iz jiês, đhâu co ho tror cxaz chuôz BHXH, mak chor shông cxaz chuôz BHXH zuôr trâus txo grêk, viv li chor nhiêx hli so lâul zuôr tsik siêz”-sơưr đơưk tsuv pâuz.
Iz kror txơưr, nênhs lox tôngv muôx chor shông cxaz chuôz BHXH tưz txưv lơưr Chêi BHXH li cui tênhv chiê tâu sơưv nhiêx hli so lâul, taz sik tsênhv nhoz hâur hnuz nhôngs lox tôngv. Viv li, thâuv nênhs lox tôngv thor so hâux lưv, tso tsês tsik thêv nzir nhiêx BHXH thiêz uô hâux lưv txơưr chiê tok txos txưv hnuz nhôngs so lâul, mak nhiêx hli so lâul puôk zuôr phiv liv li chak? Lok hâux lưv no, hlôngr njêx muôs BHXH tỉnh Bình Dương puz pâuz: “Tso tsês tsik thêv nzir nhiêx BHXH mak zuôr njiz trâus phiv liv, viv zos thêv BHXH txưv 20 shông (nhoz txir nênhx) thiêz 15 shông(nhoz pox niêv), mak nhiêx hli so lâul tsuôk zos 45% phênhv nhiêx hli thêv trâu nhiêx BHXH”./.
VOV4-Lik Thox cxêik nhênhv
Viết bình luận