Phênhv Hnuz 30/7/2015:

Lênhx xaz pênhz truôx siêz huôv tsar cêr uô nox

Shông 1980, zơưv Nguyễn Ngọc Thắm uô tiêr hâux lưv trâu têz qơưk zos tir ntâuk tros châuz por vêv ntus đriv Tây Nam, trâus saz 2/4 tror lok tsêr. Oz pêz shông tov kaz, zơưv zuôr pox niêv thiêz phêiz chuôz đros ntâu cêr cxơưx hâur luz nênhx. Thâuv co, zơưv 4 tuk nhuôs cux tâu xênhz zus, taz sik phênhv sâu tâu hâur chuôz zis tsuôk khov trâu mê njik liêx tsêz chos blêx muôx nhoz hâur jok. Chưx tsik tâuk yêiz pluôs li co, zơưv Thắm tưz quyết tênhv muk nriêr qươ chiê uô nox. Thâuv chuôz piz muk, chôngz lênhx nênhs hâur jok tưz hêik tiêk zơưv trâus saz, viv li têx jâuv xar tsik thôngz lơưv, lênhx tưs thiêx zuôr xêir têx trôngz siêz chiê uô nox, ciês zơưv pox niêv, iz ntu tov kaz  li cav đros zơưv muk. Zơưv Nguyễn Ngọc Thắm hêik:

Băng: “Đhâu thâuv tơưv bộ đội tror lok, cur zuôr pox niêv thiêz tâu niêv txir phêiz chuôz. Hêik cxuô mak đêx ar tsơưs, cur pov nhoz li co xưz mak zuôr huôv tsar tsik tâu, luz nênhx tov ntêx no tsik pâuz li chak. Li co cur thiêx muk sêiz shuôk chor xã iz ndis, uô kaz ciês cur xêir kror qơư no chiê uô nox. Ntơưv no thâuv co mak đêx ar ntâu tsik muôx nênhs nhoz. Zuk zuôr uô tâu têx pak njêl, vax…”

Đhâu 20 shông huôv tsar cêr uô nox trâu thax tsav qươ yiêz, nhiv no zơưv Nguyễn Ngọc Thắm tưz muôx iz kror qơư nhoz truôx jông. Đros 20 ntâu hec ta ntông đâux txis, 1 hec ta ntâu pak njêl zus njêl, huôz ciz. Iz shông sâu tâu xar muôx 20 tânr njêl, tsiv gri muôx 1 tỷ đêiv ntâu; đros xar muôx 500 triệu đêiv sâu txix chos ntông uô jôngr, ntông đâux txis; 200 triệu txix tu zus huôz ciz. Txix thâuv muôx tâu phênhv sâu ntâu no, zơưv piz uô vax tsêr lox jông. Đros co, zơưv tsênhv zuôr nzir oz luz yêz ô tô chiê thâux hax huv muôs, muôx nzir phênhv sâu trâu chuôz zis. Nhiv no iz shông zơưv sâu tâu xar muôx 2 tỷ đêiv. Tưz tsik zos tsêx tsung trâu huôv tsar kinh tế, zơưv tsênhv tsov cưv yưv pênhr chiê tuz nhuôs cơưv ntơưr. Nhiv no, zơưv 4 lênhx nhuôs tưz muôx 2 lênhx cơưv tiêr ntơưr thiêz muk uô hâux lưv; oz tuk nhuôs zâu tsênhv cơưv ngênhx kinh tế ntơưv Nhật Bản. Zơưv Nguyễn Ngọc Thắm puz pâuz:

Băng: “Cur chuôz zis xar kror xuz thơưx zos sir jos cov muôx yênhx tưv. Cur chor nhuôs puôr lênhx tsuv cơưv đhâu Đại học tas hir si, tsik zos cơưv hâur Việt nam xưz, lênhx tưs muôx txâuk yênhx tưv mak chiê muk cơưv saz đrâuv têz qơưk”.

Tưz tsik zos uô bluô nux trâu zuk ziv chuôz zis, zơưv tsênhv tsik so paz  hâux lưv uô trâu 10 lênhx nênhs zos chor tuz nhuôs nhoz ntơưv tiv phaz, sâu tâu phênhv nhiêx hli txix 4 txos 10 trệu đêiv khov lơưr hâux lưv uô. Paz pênhr, nôngz kôngz, kruôz kriê tsưr ziv uô trâu chor bộ đội lâul hâur jok, hâur xã đros huôv tsar cêr uô nox. Zơưv Nguyễn Xuân Quyết, chủ tịch UBND xã An Thịnh, huyện Văn Yên, tỉnh Yên Bái puz pâuz:

Băng: “Hâur chor shông lok no zơưv Thắm chuôz zis sir jos uô kinh tế vax jôngr, phuôx huiz tâu ar jông li tsar tov thiêz zơưv cux sir jos chos chor zav tsoz chos paz muôx chêx cur kinh tế siêz. Nhiv no mak zơưv Thắm li tsưr ziv uô no lok six huv đros tiv phaz”.

Đros zuk li sir jos thiêz têx chêx cur tax tâu, zơưv Thắm tưz jênhv tâu ntâu cấp, ngênhx li têx ntơưr kruôk, 13 shông siz lơưr liês tâu côngz jênhv zos chuôz zis uô nox uô hâuk hênhr. Nhiv no zơưv zos Hội viên Hội doanh nhân bộ đội lâul huyện Văn yên, zơưv puz pâuz, no chênhr zos qơư chiê zơưv sik thav, cơưv shâuv têx chênhz zênhv, paz trâu chor bộ đội lâul cov sđ muk đhâu cêr txov nhêv, muôx luz nênhx truôx tuk tsâu sor./.

                                                                                (Thừa Xuân-Ly dịch đọc)