Phênhv “Nênhs gruôs uô tâu hâux lưv jông” hnuz 17/9/2015:

Iz lênhx pox niêv tsar jos uô ntêx nyuôk trâu cxuô luôs hâux lưv

Shông 2010, tâu tsôngv px njênhs njôngr, niêv tix Đặng Thị Hằng, tâu bâux xêir uô tsar jos nhoz xã Cao Sơn. Zos iz lênhx tsar jos nhoz hâur luz jos Lùng Lỳ, tsênhv yuôr ntâu cêr txov nhêv; tsôngv px hâur jos, phênhv ntau zos hêir nênhs Cho. Jos muôx 45 ziv chuôz zis, muôx txos 1/3 ziv chuôz zis pluôs. Viv li, niêv tix Hằng xar tiêk: Tsuv uô li chas cov chor ziv chuôz zis pluôs txo grêk tâu cêr yêiz pluôs. Txix huyện muôx tsênhv chêi yax kriê tsôngv px sđ chos vơưs kok blôngx njê; tsôngv px sđ cux tsênhv tsik tâu xar chos; taz sik niêv tix Hằng tưz uô ntêx nyuôk hlôngr tsoz chos chos tsôngv px sđ uô trơưk. Niêv tix Hằng tưx zok nriêr nôngz vơưs kok blôngx njê chox lok chos thiêz nriêr qơư muôs. Txix ntơư, hur si cxuô ziv chuôz zis hâur jos puôr lênhx chos vơưs kok blôngx njê muôs, muôx phênhv sâu tâu nhiêx txiêx trâu ziv chuôz zis. Nhiv no, vơưs kok blôngx njê zos tsoz chos chênhr hâur jos.

Txix fuô uô luôs hâux lưv cxiv tsa jêx jos yiêz, niêv tix Hằng cux xar njôngr paz phênhv đros uô cov tsôngv px sđ muôx luz nênhx tsâu sor. Niêv tix Hằng uô ntêx nyuôk muôz 300 thiêr ar chiê cxiv uô tsêr cơưv ntơưr hauar jos, cov tsôngv tuz nxêik sđ muôx qơư cơưv ntơưr. Pâuz tâu têx kror muôx liv ntơư, tsôngv px hâur jos cux muôz ar chiê kriz cêr muk lok trâu hâur xã; muôx cêr muk lok zôngx ziv muôs tsôngv px sđ têx kôngz lôngk.

Băng: “Chiê đơưk cov tâu têx phiv liv, cur tưz sir jos cơưv shâuv lok tsưr ziv huôv tsar uô. Tsênhz mênhx zos haux lưv fuô yax kriê tsôngv px huôv tsar cêr uô nox thiêz mnôngs px luk hêik; lar hêik zos tu px plâuz ntus muôx yưv hâur jos, huv đros px siêz”.

Zos iz lênhx uô phó chủ tịch hội pox niêv  xã Cao Sơn thiêz uô tsar jos Lùng Lỳ, niêv tix Hằng tưz uô ntêx nyuôk yax kriê tsôngv px sđ đros cxiv tsa jêx jos yiêz; cxiv kho cxuô ziv chuôz zis cov muôx luz nênhx tsâu sor, zos hội pox niêv vir ndâuk Trung ương tso tơưv. Đros ntơư, niêv tix Hằng, tưz ký ntơưr trâu chor gơưv niêv txir tsik so muôx yưv têx kror tsik jông, siz char siz chês haur ziv chuôz zis, chiê sđ tror siz chos cxiv kho  luz nênhx cov yar ntux đris; zos tsênhv pov muôx yưv têx kror tsik jông ntâuk tsiv, tsuv trâus bluô nhiêx thiêz tik cêr cxâuv. Viv sir tas đas jos tsưr ziv yar kriê tsôngv px sđ huôv tsar cêr uô nênhx, huôv tsar tsêz chos kôngz lôngk. Txix ntơư, tưz pov njôngr tsôngv px sđ luz nênhx hlôngr yiêz, hla đhâu cêr yêiz pluôs jux juk. Pos Hà Thị Liễu, chủ tịch hội Liên hiệp pox niêv tỉnh Bắc Kạn hêik pâuz nzir:

Băng: “Zos iz lênhx cán bộ hluôk, hêir nênhs tsơưs, niêv tix Hằng tưz sir tas ntâu đas jos tsưr ziv huôv tsar uô thiêz paz phênhv huôv tsar tsưr tsix hội đros trâu yax kriê tsôngv px hâur jos, hâur thax tsav xã hlôngr yiêz tsoz chos, huôv tsar cêr uô nênhx truôx tuk thiêz uô iz luz tsov iêr trâu tsôngv pox niêv vir ndâuk sđ cơưv shâuv uô trơưk”.

Tsôngv px nhoz jos Lùng Lỳ, xã Cao Sơn, huyện Bạch Thông, tỉnh Bắc Kạn hnuz  no tưz pov muôx ntâu hlôngr yiêz, luz nênhx truôx tuk jux juk. Ntơư cux zos niêv tix Hằng têx tsưr ziv đas jos paz phênhv uô tâu truôx./.

                                                                                 (TTT)