PHÊNHV ĐAS JOS

Grê 9. Lênhx nênhs sir zôngv zav nox li vax huôv

1. Lênhx nênhs sir zôngv zav nox muôx têx vax huôv li đrav kaz:

a) Tâu heik kriê cxix cxuô thiêz tsênhz mênhx têx mông lok ngaz tuk zav nox, kriê sir zôngv, fax thâux, tuôr chiê, por hưv, xeir tsov, sir zôngv zav nox fiv đros; tâu heik pâuz têx mông lok sâuv uô tsi yuô truôx tuk, tsưr ziv phax tir thêir thâuv txeik tâu mông heik pâuz lok zav nox;

b) Heik tsưr tsix, xiz nênhs tsiv uô, zuôr muôs zav nox por hưv zuk vax huôv trơưk chei têz qơưk cui tinhv;

c) Heik tsưr tsix, xiz nênhs por hưv lênhx nênhs sir zôngv vax huôv, por hưv zuk vax huôv thiêz têx muôx liv trơưk chei têz qơưk cui tinhv lok por hưv lênhx nênhs sir zôngv li vax huôv;

d) Siz heik, siz pênhr lok têx tsi jông, tsi truôx tuk trơưk chei têz qơưk cui tinhv;

đ) Tâu pâux nzir têx trâus uô hiêv lơưr cui tinhv têz qơưk viv sir zôngv zav nox tsi jông uô ruôr hiêv txos.

2. Lênhx nênhs sir zôngv zav nox uô lơưr têx li đrav kaz:

a) Uô cxix cxuô, trơưk đreiv tsưr tsix, xiz nênhs tsiv uô, zuôr muôs hâur fax thâuv, tuôr chiê, por hưv thiêz sir zôngv zav nox têx cui tinhv, heik kriê lok ngaz tuk zav nox;

b) Zênhx max heik pâuz thâuv qênhz pov zôngx ziv tsi truôx tuk zav nox, heik pâuz lok zôngx ziv trâul kâus tưx, moz txơưx siz cik đhâu zav nox trâu Ủy ban ntơưv qơư jê yax, qơư seiz njuôk shuôs, kho moz; cơ quan lês uô têx hâux lưv têz qơưk muôx vax huôv, tsưr tsix, xiz nênhs tsiv uô, zuôr muôs zav nox;

c) Uô trơưk chei têz qơưk cui tinhv lok por hưv tênhx qơư hâur six hơưv sir zôngv zav nox.

Grê 10. Cui tinhv cxuô lok taz por truôx tuk trâu zav nox.

1.Uô tâu trơưk li cui tinhv lok sâuv kỹ thuật, cui tinhv txo grêk tsơưs caz uz no uô huôv xênhz moz, sênhv têx yuôx por hưv đrox tsuôs, yuôx kho moz tsiêx cxu, têx uô tsi hur tênhx qơư......hâur zav nox muôx têx uô tsi jông txos lênhx nênhs li đas jos, txox siê.

2. Cux seiz têx zav nox, iz chas têx cui tinhv ntơưv ntu 1 grê no, zav nox tsênhv uô tâu trơưk li iz cxiê cui tinhv đrav kaz no:

a) Cui tinhv lok sir zôngv têx njêr, suz thax uz no.....shơư trâu têx zav nox hâur tsiv uô, zuôr muôs zav nox;

b) Cui tinhv lok sâuv hnaz krưr, hnaz trâu thiêz sâu mênhx bê zav nox;

c) Cui tinhv lok por hưv zav nox.

Grê 11. Cui tinhv taz por truôx tuk têx zav nox nhôngk.

1. Uô trơưk đreiv têx cui tinhv ntơưv grê 10 hâur chei no.

2. Taz por pâuz tâu mênhx qơư tsiv uô lơưr cui tinhv ntơưv grê 54 chei no.

3. Muôx Cơ quan kho moz tsiêx cxu muôx vax huôv ntơưr côngk nhav zos zav  nox nhôngk hur jông, pâuz tsênhz grêix tsiêx cxu trơưk chei têz qơưk cui tinhv./.

                                                             (Tuyết Lan-Riê Lâux cxeik, nhênhv)